పట్నా: అమ్మాయిలు బాయ్ఫ్రెండ్స్ను (Boyfriends) మార్చినట్లే బీహార్ సీఎం నితీశ్ కుమార్ (Nitish Kumar) కూడా అధికారం కోసం భాగస్వామ్య పార్టీలను మారుస్తారని బీజేపీ జాతీయ ప్రధాన కార్యదర్శి కైలాశ్ విజయ్వార్గియా అన్నారు. ఆయన ఎప్పుడు ఎవరితో చేతులు కలుపుతారు, ఎవరికి చెయ్యిస్తారనే విషయం ఎవరికీ తెలియదని విమర్శించారు. ఇప్పుడు ఈ వ్యాఖ్యలు వివాదాస్పదంగా మారాయి. పట్నాలో మీడియాతో మాట్లాడిన ఆయన.. కొన్ని రోజుల క్రితం తాను విదేశాలకు వెళ్లానని, ఇక్కడ మహిళలు తమ బాయ్ఫ్రెండ్స్ను ఏ క్షణంలో మార్చుతారని తనతో ఒకరు చెప్పారు. ఇక్కడ బీహార్ సీఎం నితీశ్ కుమార్ కూడా అచ్చం అలానే వ్యవహరిస్తారు. ఆయన ఎప్పుడు ఎవరి చేయి పట్టుకుంటారో మనకు తెలియదని వ్యాఖ్యానించారు.
అయితే ఈ వ్యాఖ్యలపై ఇప్పుడు దుమారం రేగుతున్నది. బీజపీ నాయకులకు మహిళలపై ఉన్న గౌరవం ఇదేనా అని కాంగ్రెస్ నేతలు ప్రశ్నిస్తున్నారు. కైలాశ్ వీడియో కాంగ్రెస్ నేత రన్దీప్ సుర్జేవాలా ట్వీట్ చేశారు. కాగా, గతవారం.. బీజేపీతో తెగదెంపులు చేసుకున్న నితీశ్.. ఆర్జేడీ, కాంగ్రెస్, వామపక్షాలతో కలిసి మహాఘట్బందన్ ప్రభుత్వాన్ని ఏర్పాటు చేసిన విషయం తెలిసిందే.
भाजपा के राष्ट्रीय महासचिव द्वारा नारी सम्मान का नया नमूना 👇 pic.twitter.com/DEGr5ojM5r
— Randeep Singh Surjewala (@rssurjewala) August 18, 2022