చలి గుప్పిట్లో ఉత్తరాది

చలిగాలుల గుప్పిట్లో చిక్కుకుని దేశరాజధాని ఢిల్లీ గజగజ వణుకుతున్నది. రెండోరోజు కూడా అతి కనిష్ఠ ఉష్ణోగ్రత నమోయ్యింది. ఢిల్లీ నైరుతి ప్రాంతంలోని ఆయానగర్‌లో శుక్రవారం 1.8 డిగ్రీల సెల్సియస్‌ కనిష్ఠ ఉష్ణోగ్రత నమోదైంది.

• ఢిల్లీలో 1.8 డిగ్రీలకు కనిష్ఠ ఉష్ణోగ్రత

న్యూఢిల్లీ, జనవరి 6: చలిగాలుల గుప్పిట్లో చిక్కుకుని దేశరాజధాని ఢిల్లీ గజగజ వణుకుతున్నది. రెండోరోజు కూడా అతి కనిష్ఠ ఉష్ణోగ్రత నమోయ్యింది. ఢిల్లీ నైరుతి ప్రాంతంలోని ఆయానగర్‌లో శుక్రవారం 1.8 డిగ్రీల సెల్సియస్‌ కనిష్ఠ ఉష్ణోగ్రత నమోదైంది. ఇది డల్‌హౌసీ (8.7), ధర్మశాల (5.4), సిమ్లా (6.2), డెహ్రాడూన్‌ (4.4) ముస్సోరి (6.4), నైనిటాల్‌ (6.5) కంటే తక్కువ ఉష్ణోగ్రత అని ఢిల్లీ వాతావరణ స్టేషన్‌ సఫ్దర్‌గంజ్‌ అబ్జర్వేటరీ వెల్లడించింది. హర్యానా, పంజాబ్‌, రాజస్థాన్‌ రాష్ర్టాల్లో సైతం అతి శీతల వాతావరణ పరిస్థితులు ఉన్నా కశ్మీర్‌లో మాత్రం పరిస్థితి కొద్దిగా మెరుగ్గా ఉంది. మంచు, చల్లటి వాతావరణ పరిస్థితుల కారణంగా 30 విమానాలు, 26 రైళ్లు ఆలస్యంగా నడుస్తున్నాయి. ఉదయం 5.30 గంటలకు దృశ్య గోచరత స్థాయి 200 మీటర్లు నమోదైనట్టు పాలం అబ్జర్వేటరీ ప్రకటించింది.