జమ్ము కశ్మీర్‌లో ఎల్జీకి అదనపు అధికారాలు

జమ్ము కశ్మీర్‌లో లెఫ్ట్‌నెంట్‌ గవర్నర్‌కు కేంద్రం మరిన్ని అధికారాలను కల్పించింది. దీనిలో భాగంగా జమ్ము కశ్మీర్‌ పునర్‌ వ్యవస్థీకరణ చట్టం 2019లో కేంద్ర హోం శాఖ కొన్ని సవరణలు చేసింది.

• 2019 చట్టంలో కేంద్రం సవరణలు

న్యూఢిల్లీ, జూలై 13: జమ్ము కశ్మీర్‌లో లెఫ్ట్‌నెంట్‌ గవర్నర్‌కు కేంద్రం మరిన్ని అధికారాలను కల్పించింది. దీనిలో భాగంగా జమ్ము కశ్మీర్‌ పునర్‌ వ్యవస్థీకరణ చట్టం 2019లో కేంద్ర హోం శాఖ కొన్ని సవరణలు చేసింది. లెఫ్ట్‌నెంట్‌ గవర్నర్‌కు కొన్ని ముఖ్యమైన అధికారాలను అదనంగా చేర్చింది.

ఈ సవరణలకు రాష్ట్రపతి ద్రౌపది ముర్ము ఆమోద ముద్ర వేస్తూ నోటిఫికేషన్‌ను జారీ చేశారు. త్వరలో జమ్ము కశ్మీర్‌ అసెంబ్లీకి ఎన్నికలు జరగనున్న క్రమంలో ఎలాగూ బీజేపీ అధికారంలోకి వచ్చే అవకాశం లేనందున ముందు జాగ్రత్తగా ముఖ్యమైన పలు అధికారాలను ఎల్జీకి కట్టబెట్టే ఉద్దేశంతో కేంద్రం ఈ నిర్ణయం తీసుకుందని రాజకీయ వర్గాలు భావిస్తున్నాయి.