బాలుడికి దలైలామా క్షమాపణలు

బాలుడి పట్ల అనుచితంగా ప్రవర్తించి తీవ్ర విమర్శలపాలైన బౌద్ధమత గురువు దలైలామా.. బాలుడికి, అతడి కుటుంబానికి క్షమాపణలు చెప్పారు. ఈ మేరకు ట్విట్టర్‌లో సందేశం విడుదల చేశారు. దలైలామా వద్దకు వెళ్లిన ఓ బాలుడు ‘మిమ్మల్ని హగ్‌ చేసుకోవాలని ఉన్నది’ అని కోరాడు.

న్యూఢిల్లీ: బాలుడి పట్ల అనుచితంగా ప్రవర్తించి తీవ్ర విమర్శలపాలైన బౌద్ధమత గురువు దలైలామా.. బాలుడికి, అతడి కుటుంబానికి క్షమాపణలు చెప్పారు. ఈ మేరకు ట్విట్టర్‌లో సందేశం విడుదల చేశారు. దలైలామా వద్దకు వెళ్లిన ఓ బాలుడు ‘మిమ్మల్ని హగ్‌ చేసుకోవాలని ఉన్నది’ అని కోరాడు. ఆ సమయంలో బాలుడి పెదాలపై దలైలామా ముద్దు పెట్టడంతోపాటు తన నాలుకను నోటితో తాకాలని బాలుడిని కోరారు.

ఇందుకు సంబంధించిన వీడియో క్లిప్‌ సోషల్‌ మీడియాలో వైరల్‌గా కావడంతో నెటిజన్ల నుంచి పెద్దఎత్తున విమర్శలు వచ్చాయి. ‘వీడియోలో వ్యాఖ్యలు ఎవరినైనా బాధించి ఉంటే.. అందుకు ఆ బాలుడికి, అతడి కుటుంబానికి దలైలామా క్షమాపణలు తెలియజేస్తున్నారు. తనను కలిసే వ్యక్తులు, ముఖ్యంగా చిన్నారులతో దలైలామా సరదాగా ఉంటారు. అయితే వీడియోలో జరిగిన దానికి దలైలామా విచారం వ్యక్తం చేస్తున్నారు’ అని దలైలామా బృందం వెల్లడించింది.