వ్య‌క్తి ప్రైవేట్ భాగాల్లో స్టీల్ గ్లాస్ : సర్జరీ ద్వారా తొల‌గించిన వైద్యులు
ఓ వ్య‌క్తి ప్రైవేట్ భాగంలో అత‌డి స్నేహితులు ప‌దిరోజుల కింద‌ట గాజు గ్లాసును చొప్పించ‌గా ఒడిషాలోని బెర్హంపూర్‌లో స‌ర్జ‌న్లు ఆప‌రేష‌న్ చేసి దాన్ని తొల‌గించారు.
భువ‌నేశ్వ‌ర్ : ఓ వ్య‌క్తి ప్రైవేట్ భాగంలో అత‌డి స్నేహితులు ప‌దిరోజుల కింద‌ట స్టీల్ గ్లాసును చొప్పించ‌గా ఒడిషాలోని బెర్హంపూర్‌లో స‌ర్జ‌న్లు ఆప‌రేష‌న్ చేసి దాన్ని తొల‌గించారు. ఎంకేసీజీ మెడిక‌ల్ కాలేజ్ ఆసుప్ర‌తిలో విజ‌య‌వంతంగా సర్జరీ నిర్వ‌హించారు. బాధితుడు తాగిన మైకంలో ఉండ‌గా అత‌డి మ‌ల‌ద్వారంలో స్నేహితులు స్టీల్ గ్లాసును చొప్పించారు.
గుజ‌రాత్‌లోని సూర‌త్‌లో ప‌నిచేసే కృష్ణ రౌత్ (45) ఫ్రెండ్స్‌తో క‌లిసి ప‌ది రోజుల కింద‌ట పార్టీ చేసుకుంటుండ‌గా ఈ ఘ‌ట‌న జ‌రిగింది. మ‌రుస‌టి రోజు నుంచి అత‌డి ప్రేవుల్లో నొప్పి మొద‌లైంది. ఆపై నొప్పి భ‌రించ‌లేనంత‌గా పెర‌గ‌డంతో గంజాంలోని త‌న స్వ‌గ్రామానికి తిరిగివ‌చ్చాడు. అత‌డి పొట్ట ఉబ్బ‌డం, మ‌ల‌విస‌ర్జ‌న క‌ష్టం కావ‌డంతో ఎంకేసీజీ ఆస్ప‌త్రికి చెక‌ప్ కోసం వెళ్లాడు. అక్క‌డి వైద్యులు ఎక్స్‌రే తీయ‌గా ప్రేవుల్లో స్టీల్ గ్లాసు ఉన్న‌ట్టు వెల్ల‌డైంది.
తొలుత మ‌ల‌ద్వారం నుంచి గ్లాసును బ‌య‌ట‌కు తీసేందుకు వైద్యులు ప్ర‌య‌త్నించి విఫ‌లం కావ‌డంతో సర్జరీ ద్వారా ప్రేవుల నుంచి గాజు గ్లాసును తొల‌గించారు. సర్జరీ అనంత‌రం కృష్ణ రౌత్ కోలుకుంటున్నాడ‌ని, ఆయ‌న ఆరోగ్య ప‌రిస్ధితి నిల‌క‌డ‌గా ఉంద‌ని వైద్యులు తెలిపారు.
Read Today's Latest National News in Telugu and Telugu News
- Follow Us :
-
