Sonia Gandhi | ‘నాకు ఇష్టం లేక‌పోయినా బ‌ల‌వంతంగా ఓకే చెప్పా’.. ప్ర‌ధాని ప‌ద‌విపై సోనియాగాంధీ

Sonia Gandhi | ప్ర‌ధాని ప‌ద‌వి చేప‌ట్ట‌డం త‌న‌కు ఏ మాత్రం ఇష్టం లేద‌ని, కానీ సీనియ‌ర్ నేత‌ల ఒత్తిడితో బ‌ల‌వంతంగా ఒప్పుకున్నాన‌ని కాంగ్రెస్ పార్టీ (Congress Party) అగ్ర నాయ‌కురాలు సోనియాగాంధీ (Sonia Gandhi) వెల్ల‌డించారు. ఈ మేర‌కు త‌న ఆత్మ‌క‌థ‌లో ఆస‌క్తిక‌ర అంశాల‌ను రాసుకున్నారు. పదవి వద్దని ఓవైపు త‌న‌ మనసు దృఢంగా చెప్పిందని, మరోవైపు బాధ్యతను వదిలేస్తే ఎదురయ్యే పరిణామాలను మెదడు హెచ్చరించిందని తెలిపారు.

Sonia Gandhi : ప్ర‌ధాని ప‌ద‌వి చేప‌ట్ట‌డం త‌న‌కు ఏ మాత్రం ఇష్టం లేద‌ని, కానీ సీనియ‌ర్ నేత‌ల ఒత్తిడితో బ‌ల‌వంతంగా ఒప్పుకున్నాన‌ని కాంగ్రెస్ పార్టీ (Congress Party) అగ్ర నాయ‌కురాలు సోనియాగాంధీ (Sonia Gandhi) వెల్ల‌డించారు. ఈ మేర‌కు త‌న ఆత్మ‌క‌థ‌లో ఆస‌క్తిక‌ర అంశాల‌ను రాసుకున్నారు. పదవి వద్దని ఓవైపు త‌న‌ మనసు దృఢంగా చెప్పిందని, మరోవైపు బాధ్యతను వదిలేస్తే ఎదురయ్యే పరిణామాలను మెదడు హెచ్చరించిందని తెలిపారు. ఆ ఊగిసలాటలో స్పష్టమైన నిర్ణయం తీసుకోడానికి త‌న‌లో తాను ఓ యుద్ధం చేశాన‌ని ఇరవయ్యేళ్ల కిందటి పరిస్థితులను గుర్తుచేసుకున్నారు.

ఆమె రాసిన ఆత్మకథ ‘బిలాంగింగ్‌ : ఎ జర్నీ ఆఫ్‌ లవ్‌ (Belonging : A Journey of Love)’ పుస్త‌కం మంగళవారం విడుదలైంది. కుటుంబంలో చోటుచేసుకున్న సంఘటనల నుంచి రాజకీయాల్లో పోషించిన పాత్రల వరకు తన జీవిత ప్రయాణంలో ఎదురైన ఘట్టాలను ఆమె అందులో పేర్కొన్నారు. ఈ సందర్భంగా 2004 సార్వత్రిక ఎన్నికల తర్వాత ప్రధాని పదవిని తిరస్కరించడానికి గల కారణాల‌ను వివరించారు. ప్ర‌ధాని ప‌ద‌విని సోనియాగాంధీ ఎందుకు తిర‌స్క‌రించారో ఆమె మాట‌ల్లోకి తెలుసుకుందాం..

ఆ ఎన్నికలు జరగడానికి చాలా నెలల ముందే తాను ప్రధాని పదవి చేపట్టవద్దని నిర్ణయించుకున్నాన‌ని, ఇదే విషయం త‌న‌ పిల్లలకూ చెప్పాన‌ని సోనియాగాంధీ అన్నారు. వాళ్లకు త‌మ‌ నానమ్మ, నాన్న హత్యలు చూసిన తర్వాత తాను ప్రధాని కావడం ఇష్టంలేద‌ని చెప్పారు. ప్ర‌ధాని హోదా తమ కుటుంబానికి ప్ర‌మాదమ‌ని వారు భావించారని అన్నారు. అయితే పార్టీ నేతలకుగానీ, ప్రజలకుగానీ మొదట త‌న‌ నిర్ణయాన్ని వెల్లడించలేదని చెప్పారు. ఎన్నికల వేళ పార్టీని ఐకమత్యంగా ఉంచడం గురించే తాను ఆలోచించాన‌ని సోనియాగాంధీ అన్నారు.

ఎన్నికలు సజావుగా పూర్తయి త‌మ‌ పార్టీ ప్రభుత్వ ఏర్పాటుకు సిద్ధమవుతున్నప్పుడు త‌న‌ ముందు సముద్రమంత సమస్య కన్పించిందని సోనియా తెలిపారు. ప్రధాని పదవి చేపట్టాలనే ఆలోచనను తాను పూర్తిగా వ్యతిరేకించాన‌ని, కానీ అది చెబితే పార్టీ నేతలు ఎంతగా బాధపడతారో కూడా తెలుసని ఆ సమయంలో నా భావోద్వేగాలు క్షణక్షణానికి మారాయని పేర్కొన్నారు. ఆ మరుసటిరోజు యూపీఏ కూటమి నేతలంతా త‌మ‌ ఇంట్లో సమావేశమయ్యారని, దాదాపు గంటపాటు చర్చ అనంతరం ఈ పదవి నాకొద్దని వారికి చెప్పాన‌ని తెలిపారు.

‘తాను ప్రేమించిన వ్యక్తిని కోల్పోయిన తర్వాత ఈ దేశ ప్రజలు న‌న్ను అక్కున చేర్చుకున్నారు. వారు పెట్టుకున్న నమ్మకాన్ని వమ్ము చేసి బాధ్యతల నుంచి ఎలా పారిపోతావంటూ నా మెదడు హెచ్చరించింది. అలా ఎన్నో గంటల తర్వాత ఓ దృఢ నిశ్చయానికి వచ్చా. మరుసటి రోజు కాంగ్రెస్‌ పార్లమెంటరీ పార్టీ సమావేశంలోనూ ఎంపీల ముందు ఇదే మాట చెప్పా. మొదట నా నిర్ణయాన్ని వాళ్లు తీవ్రంగా వ్యతిరేకించారు. కానీ తాను పదవి చేపట్టబోనని స్పష్టంగా చెప్పా. ప్రధాని అభ్యర్థిగా మన్మోహన్‌ సింగ్‌ పేరును ప్రతిపాదించా’ అని సోనియా తెలిపారు.