Software couple | ఆ ఘటనలో సాఫ్ట్‌వేర్‌ దంపతులు కూడా మృతి..!

Software couple | సింహాచలం విషాద ఘటనలో మరణించిన వారిలో సాఫ్ట్‌వేర్‌ ఉద్యోగాలు చేస్తున్న ఓ జంట కూడా ఉంది. ఈ విషయాన్ని బుధవారం అధికారులు వెల్లడించారు. వారిని విశాఖపట్నంలోని మధురవాడ చంద్రం పాలెం గ్రామాలకు చెందిన దంపతులు పిళ్లా ఉమామహేశ్వరరావు (30), శైలజ (26) గా నిర్ధారించారు.

Software couple : సింహాచలం విషాద ఘటనలో మరణించిన వారిలో సాఫ్ట్‌వేర్‌ ఉద్యోగాలు చేస్తున్న ఓ జంట కూడా ఉంది. ఈ విషయాన్ని బుధవారం అధికారులు వెల్లడించారు. వారిని విశాఖపట్నంలోని మధురవాడ చంద్రం పాలెం గ్రామాలకు చెందిన దంపతులు పిళ్లా ఉమామహేశ్వరరావు (30), శైలజ (26) గా నిర్ధారించారు. వారు హైదరాబాద్‌లోని సాఫ్ట్‌వేర్‌ సంస్థల్లో విధులు నిర్వర్తిస్తూ.. ప్రస్తుతం వర్క్‌ ఫ్రమ్‌ హోం చేస్తున్నారు.

మూడేళ్ల క్రితమే వారి వివాహం జరిగింది. బుధవారం తెల్లవారుజామున 2 గంటలకు స్వామివారి దర్శన నిమిత్తం రూ.300 క్యూలైన్‌లో వేచిఉండగా గోడకూలింది. ఆ ఘటనలో ఉమామహేశ్వరరావు, శైలజ అక్కడికక్కడే మృతిచెందారు. ఉమామహేశ్‌ హెచ్‌సీఎల్‌లో, శైలజ ఇన్ఫోసిస్‌లో పనిచేస్తున్నారు. అందరితో కలివిడిగా ఉండే దంపతులిద్దరూ చనిపోవడంతో కుటుంబసభ్యులు, బంధువులు కన్నీటి పర్యంతమవుతున్నారు.