Gujarat Boy | వయసు ఆరేళ్లు.. చదివేది ఒకటో తరగతి.. శక్తికి మించిన బరువు అవలీలగా ఎత్తేస్తాడు..!

Gujarat Boy | ఆ బాలుడి వయసు ఆరేళ్లు. ఒకటో తరగతి చదువుతున్నాడు. ఈ వయసు పిల్లలు ఆటల్లోనో, పాటల్లోనో మహా అయితే మాటల్లోనో అద్భుతాలు చేసి చూపిస్తారు. కానీ బరువులు ఎత్తగలరా..? అదీ వారి బరువు సుమారు నాలుగింతలు ఎక్కువ బరువును మోయగలరా..? సాధ్యం కాదు కదా..? కానీ గుజరాత్‌ రాష్ట్రానికి చెందిన ఆరేళ్ల బాలుడు మాత్రం తన శక్తికి మించిన బరువులను అవలీలగా ఎత్తేస్తున్నాడు.

Gujarat Boy: ఆ బాలుడి వయసు ఆరేళ్లు. ఒకటో తరగతి చదువుతున్నాడు. ఈ వయసు పిల్లలు ఆటల్లోనో, పాటల్లోనో మహా అయితే మాటల్లోనో అద్భుతాలు చేసి చూపిస్తారు. కానీ బరువులు ఎత్తగలరా..? అదీ వారి బరువు సుమారు నాలుగింతలు ఎక్కువ బరువును మోయగలరా..? సాధ్యం కాదు కదా..? కానీ గుజరాత్‌ రాష్ట్రానికి చెందిన ఆరేళ్ల బాలుడు మాత్రం తన శక్తికి మించిన బరువులను అవలీలగా ఎత్తేస్తున్నాడు.

గుజరాత్‌ రాష్ట్రం సూరత్‌ నగరానికి చెందిన యతి జెఠ్వా తనకు రెండేళ్ల వయసప్పటి నుంచే తండ్రితో కలిసి జిమ్‌కు వెళ్లేవాడు. ఈ క్రమంలో అతనికి వెయిట్‌ లిఫ్టింగ్‌పై ఆసక్తి పెరిగింది. దాంతో తండ్రి కూడా ఆ బాలుడిని ప్రోత్సహించాడు. ఇప్పుడు యతి ఏకంగా 80 కిలోల బరువును ఎత్తుతూ ఔరా అనిపిస్తున్నాడు. ఒకటో తరగతి చదువుతున్న యతి ఇప్పటికే వెయిట్‌ లిఫ్టింగులో 17కు పైగా పతకాలు సాధించాడు.

స్కూల్‌కు వెళ్లి వచ్చిన తర్వాత రోజూ సాయంత్రం రెండు గంటలపాటు జిమ్‌లో ప్రాక్టీసు చేస్తానని యతి జఠ్వా చెప్పాడు. ఉదయం పాలు, అరటిపండు తీసుకుంటానని, మధ్యాహ్నం అన్నం, రాత్రికి చపాతీ తింటానని తెలిపాడు. సాధ్యమైనంత త్వరలో వంద కేజీల బరువు ఎత్తాలన్నదే తన లక్ష్యమని చెప్పాడు. కాగా, వెయిట్‌ లిఫ్టింగులో యతికి శిక్షణ ఇస్తున్నది అతడి తండ్రి రవి జెఠ్వాయే.