Russia Luna-25 | చంద్రుడి దక్షిణ ధృవంపై ఒకే రోజు అడుగుపెట్టనున్న చంద్రయాన్‌-3, రష్యా లూనా-25!

భారత అంతరిక్ష పరిశోధన సంస్థ (ఇస్రో) చంద్రయాన్‌-3ని పంపినట్టుగానే.. రష్యా ‘లూనా-25’ అనే స్పేస్‌క్రాఫ్ట్‌ను శుక్రవారం ప్రయోగించబోతున్నది. ఈనెల 23న చంద్రుడి దక్షిణ ధృవంపై ఈ స్పేస్‌క్రాఫ్ట్‌ కాలుమోపుతుందని సమాచారం.

న్యూఢిల్లీ, ఆగస్టు 10: భారత అంతరిక్ష పరిశోధన సంస్థ (ఇస్రో) చంద్రయాన్‌-3ని పంపినట్టుగానే.. రష్యా ‘లూనా-25’ అనే స్పేస్‌క్రాఫ్ట్‌ను శుక్రవారం ప్రయోగించబోతున్నది. ఈనెల 23న చంద్రుడి దక్షిణ ధృవంపై ఈ స్పేస్‌క్రాఫ్ట్‌ కాలుమోపుతుందని సమాచారం. రష్యా దాదాపు 47 ఏండ్ల తర్వాత చంద్రుడిపైకి స్పేస్‌క్రాఫ్ట్‌ను పంపుతున్నది.

రెండు దేశాల చెందిన స్పేస్‌క్రాఫ్ట్స్‌ చంద్రుడిపై ఒకే ప్రాంతంలో ఒకే రోజు అడుగుపెట్టనున్నాయని వార్తలు వెలువడుతున్నాయి. అంతరిక్ష పరిశోధనలో రష్యా సత్తా చాటేందుకు ఈ ప్రయోగం చేపట్టామని రష్యా స్పేస్‌ ఏజెన్సీ (రోస్‌కాస్మోస్‌) ప్రకటనలో తెలిపింది.