NEET Row | రష్యా-ఉక్రెయిన్‌ వార్‌ను అడ్డుకున్న మోదీ పేపర్‌ లీక్‌ ఆపలేకపోయారు : నీట్ రగడపై రాహుల్ గాంధీ

NEET Row : రష్యా-ఉక్రెయిన్ యుద్ధాన్ని మోదీ అడ్డకున్నారని చెబుతున్నారు కానీ కొన్ని కారణాలతో ఆయన దేశంలో పేపర్‌ లీక్‌లను ఆపలేకపోతున్నారని కాంగ్రెస్‌ ఎంపీ రాహుల్‌ గాంధీ ఎద్దేవా చేశారు.

NEET Row : రష్యా-ఉక్రెయిన్ యుద్ధాన్ని మోదీ అడ్డకున్నారని చెబుతున్నారు కానీ కొన్ని కారణాలతో ఆయన దేశంలో పేపర్‌ లీక్‌లను ఆపలేకపోతున్నారని కాంగ్రెస్‌ ఎంపీ రాహుల్‌ గాంధీ ఎద్దేవా చేశారు. నీట్‌తో విద్యార్ధులకు అన్యాయం జరిగిందని నీట్ పరీక్షను రద్దు చేయాలని డిమాండ్‌ చేశారు.

రాహుల్‌ గాంధీ గురువారం విలేకరుల సమావేశంలో మాట్లాడుతూ నీట్ అంశం, యూజీసీ-నెట్ పరీక్ష రద్దు వ్యవహరంపై మాట్లాడారు. నీట్‌ నిర్వహణలో లోటుపాట్లు, పేపర్‌ లీక్‌లతో విద్యార్ధులు నష్టపోయారని, సుప్రీంకోర్టులో వారికి న్యాయం జరుగుతుందనే నమ్మకం ఉందని అన్నారు.

పేపర్‌ లీక్‌లను అడ్డుకోవడంలో మోదీ విఫలమయ్యారని ఆరోపించారు. విద్యా వ్యవస్ధ బీజేపీ మాతృసంస్ధ గుప్పిట్లో ఉండటంతోనే పేపర్‌ లీక్స్‌ జరుగుతున్నాయని అన్నారు. ఈ పరిస్ధితి చక్కదిద్దేవరకూ పేపర్‌ లీక్‌లు జరుగుతూనే ఉంటాయని చెప్పారు. విద్యా వ్యవస్ధను కాషాయ పార్టీ కబ్జా చేసేందుకు మోదీ పూనుకున్నారని, ఇది జాతి వ్యతిరేక చర్యని రాహుల్ ఆరోపించారు.

Read More :

AC Price | ఓపక్క ఠారెత్తిస్తున్న ఉష్ణోగ్రతలు.. మరోపక్క ఏసీల ధరలకు రెక్కలు