న్యూఢిల్లీ: ఖలిస్థాన్ (Khalistan) వేర్పాటువాద సంస్థ సానుభూతిపరుడు, ‘వారిస్ పంజాబ్ దే (Waris Punjab De)’ చీఫ్ అమృత్పాల్ సింగ్ పోలీసుల కన్నుగప్పి తప్పించుకు తిరుగుతున్నాడు. అతను వివిధ వేషధారణల్లో తిరుగుతున్నట్టు పంజాబ్ పోలీసులు అనుమానిస్తున్నారు. ఆ మేరకు వివిధ వేషధారణల్లో ఉన్న అమృత్పాల్ ఫొటోలను పోలీసులు విడుదల చేశారు.
అంతేగాక, ఈ ఫొటోలో వ్యక్తిని పోలినట్లుగా ఎవరైనా కనిపిస్తే వెంటనే తమకు సమాచారం ఇవ్వాలని పంజాబ్ పోలీసులు ప్రజలకు విజ్ఞప్తి చేశారు. నిందితుడి అరెస్ట్కు సహకరించాలని కోరారు. కాగా, అమృత్పాల్ సింగ్ గత శనివారం పోలీసులకు చిక్కినట్టే చిక్కి తప్పించుకున్నాడు. అమృత్పాల్ అరెస్ట్కు సెర్చింగ్ కొనసాగుతున్నదని పంజాబ్ ఐజీపీ సుఖ్చైన్ సింగ్ గిల్ చెప్పారు.
కాగా, ఇప్పటివరకు అమృత్పాల్కు సంబంధించిన 114 మంది అనుచరులను పోలీసులు అరెస్ట్ చేశారు. గాలింపులు ముమ్మరం చేసిన మొదటి రోజు అంటే శనివారం 78 మందిని, ఆదివారం 36 మందిని అదుపులోకి తీసుకున్నారు. ప్రస్తుతం ప్రధాన నిందితుడి కోసం గాలింపు ముమ్మరం చేశారు. కాగా, 80 వేల మంది పోలీసుల కన్నుగప్పి అమృత్పాల్ ఎలా తప్పించుకున్నాడని పంజాబ్ కోర్టు ప్రశ్నించింది.