Watch: రీల్‌ కోసం పాట్లు.. బిల్డింగ్‌ అంచు నుంచి ప్రమాదకరంగా వేలాడిన యువతి

Girl Hung From Building's Terrace | యువకుడి చేతిని పట్టుకున్న ఒక యువతి బిల్డింగ్‌ అంచు నుంచి ప్రమాదకరంగా గాలిలో వేలాడింది. ఈ వీడియో క్లిప్‌ సోషల్ మీడియాలో వైరల్‌ అయ్యింది. దీంతో నెటిజన్లు మండిపడ్డారు. వారిని అరెస్ట్‌ చేయాలని డిమాండ్ చేశారు.

ముంబై: యువకులు రీల్‌ కోసం పాట్లు పడుతున్నారు. ప్రాణాలను లెక్కచేయక ప్రమాదకరంగా స్టంట్లు చేస్తున్నారు. యువకుడి చేతిని పట్టుకున్న ఒక యువతి బిల్డింగ్‌ అంచు నుంచి ప్రమాదకరంగా గాలిలో వేలాడింది. (Girl Hung From Building’s Terrace) ఈ వీడియో క్లిప్‌ సోషల్ మీడియాలో వైరల్‌ అయ్యింది. దీంతో నెటిజన్లు మండిపడ్డారు. వారిని అరెస్ట్‌ చేయాలని డిమాండ్ చేశారు. మహారాష్ట్రలోని పూణేలో ఈ సంఘటన జరిగింది. ఒక జంట రిస్కీ స్టంట్‌ చేసింది. పూణేలోని స్వామి నారాయణ్ టెంపుల్ సమీపంలోని నిర్మాణుష్య బిల్డింగ్‌పై రీల్‌ రికార్డ్‌ చేశారు. అబ్బాయి చేయి పట్టుకున్న ఒక అమ్మాయి టెర్రస్‌ అంచు నుంచి ప్రమాదకరంగా గాలిలో వేలాడింది. ఆ బిల్డింగ్‌ పక్కనే రద్దీ రహదారి ఉంది. ఆ జంటకు చెందిన స్నేహితులు మొబైల్‌ ఫోన్‌లో ఈ రీల్‌ను రికార్డ్‌ చేశారు.

కాగా, ఈ వీడియో క్లిప్‌ సోషల్‌ మీడియాలో వైరల్‌ అయ్యింది. యువకుడి చేయి పట్టుకుని రిస్కీగా గాల్లో వేలాడిన యువతి తీరుపై నెటిజన్లు మండిపడ్డారు. సోషల్‌ మీడియాలో రీల్‌ కోసం ప్రాణాలను పణంగా పెట్టి ఇలాంటి స్టంట్లు చేయడంపై ఆగ్రహం వ్యక్తం చేశారు. ఆ జంటతోపాటు వారి స్నేహితులను అరెస్ట్‌ చేయాలని డిమాండ్‌ చేశారు.

2 words inke liye kuch pic.twitter.com/iEUqbrfKJl

— Prince (@Prince__0033) June 19, 2024