ప్రొబేషనరీ ఐఏఎస్‌ గొంతెమ్మ కోర్కెలు.. మహారాష్ట్ర సర్కారు బదిలీ వేటు

అధికార దుర్వినియోగానికి పాల్పడ్డారనే ఆరోపణలు రావటంతో ఓ ప్రొబేషనరీ ఐఏఎస్‌ ఆఫీసర్‌ను మహారాష్ట్ర ప్రభుత్వం బదిలీ చేసింది.

ముంబై: అధికార దుర్వినియోగానికి పాల్పడ్డారనే ఆరోపణలు రావటంతో ఓ ప్రొబేషనరీ ఐఏఎస్‌ ఆఫీసర్‌ను మహారాష్ట్ర ప్రభుత్వం బదిలీ చేసింది. పుణెలో ప్రొబేషనరీ ఐఏఎస్‌గా విధులు నిర్వర్తిస్తున్న పూజా ఖేద్కర్‌ పై అధికారుల అనుమతి లేకుండా తన ప్రైవేట్‌ ఆడీ కారుకు ఎరుపు-నీలం రంగు బీకన్‌ లైట్లు, వీఐపీ నంబర్‌ ప్లేటును ఏర్పాటుచేసుకున్నారు. ప్రత్యేక వసతి సౌకర్యాలు కల్పించాలని ప్రభుత్వాన్ని డిమాండ్‌ చేశారు.

దివ్యాంగురాలిగా, ఓబీసీగా ఫేక్‌ సర్టిఫికెట్స్‌తో ఉద్యోగం పొందారన్న ఆరోపణలు కూడా ఆమెపై నమోదయ్యాయని ప్రభుత్వ అధికారి ఒకరు బుధవారం వెల్లడించారు. కాగా, తండ్రికి రూ.40 కోట్ల ఆస్తి, సొంతంగా ఆడీ కారున్న ఆమె..‘ఓబీసీ నాన్‌ క్రీమిలేయర్‌ కోటా’లో ఐఏఎస్‌ ఉద్యోగానికి ఎలా ఎంపికయ్యారు? అని ఓ ఆర్టీఐ కార్యకర్త ప్రశ్నించారు.