సమ్మె ప్రభావం.. ఏటీఎం చార్జీలు రద్దు

ఈ నెల 28 నుంచి దేశంలో బ్యాంకు యూనియన్ల సమ్మె నేపథ్యంలో ప్రభుత్వరంగ బ్యాంకులు కీలక నిర్ణయం తీసుకున్నాయి. సమ్మె సమయంలో వినియోగదాలకు ఊరట నిచ్చేలా ఏటీఎం లావాదేవీలపై చార్జీలను రద్దు చేస్తున్నట్లు ప్రకటించాయి.

• ప్రభుత్వ బ్యాంకుల నిర్ణయం

న్యూఢిల్లీ: ఈ నెల 28 నుంచి దేశంలో బ్యాంకు యూనియన్ల సమ్మె నేపథ్యంలో ప్రభుత్వరంగ బ్యాంకులు కీలక నిర్ణయం తీసుకున్నాయి. సమ్మె సమయంలో వినియోగదాలకు ఊరట నిచ్చేలా ఏటీఎం లావాదేవీలపై చార్జీలను రద్దు చేస్తున్నట్లు ప్రకటించాయి. సాధారణంగా నిర్ణీత సంఖ్య దాటిన తర్వాత ఏటీఎంలో చేసే లావాదేవీలపై బ్యాంకులు రుసుమును వసూలు చేస్తుంటాయి.

అయితే సమ్మె నేపథ్యంలో అలాంటి రుసుముల వసూళ్లకు మినహాయింపునిచ్చాయి. ఈ మేరకు ఎస్‌బీఐ, యూనియన్‌ బ్యాంక్‌, బ్యాంక్‌ ఆఫ్‌ బరోడా, పంజాబ్‌ నేషనల్‌ బ్యాంకు తదితర ప్రభుత్వరంగ బ్యాంకులు ఉమ్మడి ప్రకటన విడుదల చేశాయి.

ఐదు రోజుల పనికి ఎన్నడూ అంగీకరించ లేదు

వారానికి ఐదు రోజుల పని దినాలు అమలు చేయాలంటున్న బ్యాంక్‌ ఉద్యోగుల డిమాండ్‌ను ప్రభుత్వం ఎన్నడూ అంగీకరించ లేదని ఆర్థిక శాఖ ఉన్నతాధికారి ఒకరు తెలిపారు.