Prajwal Revanna | ప్రజ్వల్ రేవణ్ణకు ఆరు రోజుల ఎస్ఐటీ కస్టడీ..!

Prajwal Revanna | అశ్లీల వీడియోల కేసులో జేడీఎస్ సస్పెండెడ్ ఎంపీ ప్రజ్వల్ రేవణ్ణకు కర్ణాటకలోని దిగువ న్యాయస్థానం జూన్ ఆరో తేదీ వరకూ స్పెషల్ ఇన్వెస్ట్‌గేషన్ టీం (ఎస్ఐటీ) కస్టడీ విధించింది.

Prajwal Revanna | అశ్లీల వీడియోల కేసులో జేడీఎస్ సస్పెండెడ్ ఎంపీ ప్రజ్వల్ రేవణ్ణకు కర్ణాటకలోని దిగువ న్యాయస్థానం జూన్ ఆరో తేదీ వరకూ స్పెషల్ ఇన్వెస్ట్‌గేషన్ టీం (ఎస్ఐటీ) కస్టడీ విధించింది. తన ఇంటి పని సహాయకురాలిపై లైంగిక వేధింపులు, నేరపూరిత బెదిరింపులకు పాల్పడిన కేసులో ప్రజ్వల్ రేవణ్ణను.. విమానంలో విదేశాల నుంచి బెంగళూరులోని కెంపెగౌడ అంతర్జాతీయ విమానాశ్రయానికి చేరుకున్న వెంటనే పోలీసు అధికారులు అరెస్ట్ చేసి సీఐడీ ఆఫీసుకు తరలించారు. డిప్లమాటిక్ పాస్ పోర్ట్‌పై జర్మనీ రాజధాని బెర్లిన్‌కు వెళ్లిన నెల రోజుల తర్వాత ప్రజ్వల్ రేవణ్ణ తిరిగి స్వదేశానికి చేరుకున్నారు. బెంగళూరు విమానాశ్రయంలో విమానం దిగిన వెంటనే ఆయన్ను పోలీసులు కస్టడీలోకి తీసుకున్నారు.

మాజీ ప్రధాని, జేడీఎస్ అధినేత హెచ్డీ దేవెగౌడ మనుమడు ప్రజ్వల్ రేవణ్ణ (33) నెల రోజుల పాటు దర్యాప్తు అధికారులు జారీ చేసిన సమన్లను తప్పించుకున్నారు. హసన్ లోక్‌సభ స్థానం నుంచి ఎన్డీఏ అభ్యర్థిగా పోటీలో ఉన్నారు. బెంగళూరు విమానాశ్రయానికి రాగానే అరెస్ట్ చేసేందుకు వీలుగా మహిళా పోలీసుల టీంకు ఆదేశాలు జారీ చేసింది. ఇదే కేసులో అనుమానితులుగా ఉన్న నవీన్ గౌడ, చేతన్ లను అంతకుముందే సీఐటీ పోలీసు అధికారులు అరెస్ట్ చేశారు. అయితే వారు తమకు ముందస్తు బెయిల్ మంజూరు చేయాలని హైకోర్టులో పిటిషన్ దాఖలు చేశారు. ప్రజ్వల్ రేవణ్ణ నుంచి మహిళను లైంగిక వేధింపులకు పాల్పడిన వీడియోలు గల పెన్ డ్రైవ్‪లను నవీన్ గౌడ, చేతన్ గౌడ పంపిణీ చేశారన్న కేసులో వారిని అరెస్ట్ చేశారని పోలీసు వర్గాలు తెలిపాయి.

#WATCH | Bengaluru | Obscene videos case: Suspended JD(S) leader Prajwal Revanna remanded to six days police custody pic.twitter.com/Q2QhBmQEEK

— ANI (@ANI) May 31, 2024