నేరం రుజువైతే ప్రజ్వల్‌పై చర్యలు తీసుకోండి

తన మనవడు ప్రజ్వల్‌పై వచ్చిన లైంగిక వేధింపుల ఆరోపణలపై మాజీ ప్రధాని దేవెగౌడ శనివారం తొలిసారి స్పందించారు. నేరం రుజువైతే ప్రజ్వల్‌పై చర్యలు తీసుకోవడానికి తమకు ఎలాంటి అభ్యంతరమూ లేదని స్పష్టం చేశారు.

• మా కుటుంబంపై కుట్ర జరుగుతున్నది: దేవెగౌడ
• ప్రజ్వల్‌పై అరెస్ట్‌ వారెంట్‌

బెంగళూరు, మే 18: తన మనవడు ప్రజ్వల్‌పై వచ్చిన లైంగిక వేధింపుల ఆరోపణలపై మాజీ ప్రధాని దేవెగౌడ శనివారం తొలిసారి స్పందించారు. నేరం రుజువైతే ప్రజ్వల్‌పై చర్యలు తీసుకోవడానికి తమకు ఎలాంటి అభ్యంతరమూ లేదని స్పష్టం చేశారు. జరిగినదంతా పరిశీలిస్తే తమ కుటుంబం పరువు తీసేందుకు, రాజకీయంగా దెబ్బ తీసేందుకు కుట్ర జరిగినట్టు అనిపిస్తున్నదని ఆయన అన్నారు. తన కుమారుడు జేడీఎస్‌ ఎమ్మెల్యే హెచ్‌డీ రేవణ్ణపై తప్పుడు లైంగిక వేధింపుల కేసులు పెట్టారని ఆరోపించారు.కాగా, విదేశాల్లో ఉన్న ప్రజ్వల్‌ రేవణ్ణపై ప్రజాప్రతినిధుల కోర్టు అరెస్ట్‌ వారెంట్‌ జారీ చేసింది.

డీకే 100 కోట్లు ఆఫర్‌ చేశారు: దేవరాజే గౌడ
కర్ణాటక సెక్స్‌ స్కాండల్‌ కేసుతో ముడిపెట్టి..ప్రధాని మోదీ, కర్ణాటక మాజీ సీఎం కుమారస్వామిల పేరుప్రతిష్టలను దిగజార్చాలంటూ డిప్యూటీ సీఎం డీకే శివకుమార్‌ తనకు రూ.100 కోట్లు ఆఫర్‌ చేశాడని ఆ రాష్ట్ర బీజేపీ నాయకుడు జీ దేవరాజే గౌడ ఆరోపించారు.