డ్యాన్స్ అనేది కామన్. ఎవరికి ఎప్పుడు డ్యాన్స్ చేసే మూడ్ వస్తుందో చెప్పలేం. ఎంజాయ్మెంట్లో డ్యాన్స్ అనేది ఒక భాగం. డ్యాన్స్ను ఎవరైనా చేయొచ్చు.. ఎప్పుడైనా చేయొచ్చు కానీ.. దానికి కొన్ని పరిమితులు ఉంటాయి. ఆ పరిమితులను దాటితే ఇదిగో ఇలాగే అవుతుంది. ముగ్గురు పోలీస్ ఆఫీసర్లు ఉత్తపుణ్యానికి సస్పెండ్కు గురయ్యారు. వాళ్లు చేసిన పని ఏంటో తెలుసా? కారులో డ్యాన్స్ వేయడం. అయినా కారులో డ్యాన్స్ వేస్తే సస్పెండ్ చేస్తారా? అనే డౌట్ మీకు వచ్చే ఉంటుంది.
కానీ.. వాళ్లను సస్పెండ్ చేసి కారులో డ్యాన్స్ చేసినందుకు కాదు.. కారులో కూర్చొని ట్రాఫిక్ రూల్స్ పాటించనందుకు. పోలీస్ డ్రెస్ వేసుకొని సరిగ్గా ప్రవర్తించనందుకు. అది పోలీస్ డ్రెస్కు అవమానం అని భావించి.. పోలీస్ ఉన్నతాధికారులు వాళ్లను సస్పెండ్ చేశారు.
ఈ ఘటన గుజరాత్లోని కచ్ జిల్లాలో చోటు చేసుకుంది. పోలీసుల డ్యాన్స్కు సంబంధించిన వీడియో సోషల్ మీడియాలో వైరల్ కావడంతో అది కాస్త.. పోలీస్ ఉన్నతాధికారులకు చేరింది. ఆ వీడియోలో కారులో డ్యాన్స్ వేసిన పోలీసులు.. ముఖానికి మాస్క్ ధరించకుండా.. కనీసం సీటు బెల్టు కూడా పెట్టుకోకుండా ట్రాఫిక్ రూల్స్ను అతిక్రమించారు. పోలీస్ డ్రెస్లో ఉండి కారులో డ్యాన్స్ వేయడమే కాకుండా.. ఇలా రూల్స్ను బ్రేక్ చేశారని.. ఉన్నతాధికారులు వాళ్లను సస్పెండ్ చేస్తున్నట్టు ప్రకటించారు.
వాళ్లు ముగ్గురూ గాంధిధామ్ డివిజన్ పోలీస్ స్టేషన్లో పోలీస్ కానిస్టేబుల్స్గా పనిచేస్తున్నారు. ఆ వీడియోను కారులో కూర్చున్న ఓ పోలీస్ తీసి.. తన సోషల్ మీడియాలో పోస్ట్ చేశాడు. ఆ వీడియో కాస్త సోషల్ మీడియాలో వైరల్ అవడంతో వాళ్ల జాబ్లకే ఆ వీడియో ఎసరు పెట్టింది.