GST | జీఎస్టీ ఏడేండ్ల ప్రస్ధానంలో సామాన్యుడికి మేలు : ప్రధాని మోదీ

GST :  జీఎస్టీ ఏడేండ్ల ప్రస్ధానంలో పన్ను రేట్లు తగ్గి 140 కోట్ల మంది భారతీయుల జీవితాలు మెరుగుపడ్డాయని ప్రధాని నరేంద్ర మోదీ అన్నారు.

GST :  జీఎస్టీ ఏడేండ్ల ప్రస్ధానంలో పన్ను రేట్లు తగ్గి 140 కోట్ల మంది భారతీయుల జీవితాలు మెరుగుపడ్డాయని ప్రధాని నరేంద్ర మోదీ అన్నారు. జీఎస్టీతో పలు ప్రయోజనాలు చేకూరాయని ఓ వార్తా సంస్ధ నివేదికను ప్రస్తావిస్తూ ప్రధాని ఎక్స్‌ వేదికగా వివరాలు పంచుకున్నారు. జీఎస్టీ ప్రవేశపెట్టిన అనంతరం గృహ వినియోగ వస్తువులు తక్కువ ధరకు లభ్యమవుతున్నాయని పేర్కొన్నారు.

జీఎస్టీ అమలు అనంతరం పలు రకాల పిండ్లు, పెరుగు, డిటర్జెంట్ వంటి రోజువారీ వినియోగ వస్తువుల ధరలు తగ్గడంతో సగటు ప్రజలు, పేదల పొదుపు రేట్లు పెరిగాయని చెప్పారు. ప్రజల జీవితాలను మెరుగుపరిచే క్రమంలో తాము ఈ సంస్కరణలను కొనసాగించేందుకు కట్టుబడి ఉన్నామని తెలిపారు.

జీఎస్టీ ప్రవేశపెట్టిన తర్వాత టీవీ, డిటర్జెంట్ హెయిర్‌ ఆయిల్‌, సోప్‌ వంటి పలు వస్తువుల ధరలు తగ్గాయని సీబీఐటీ గణాంకాలు వెల్లడించాయి. కాగా, 2017లో జీఎస్టీ అమలు ప్రారంభం కాగా, ఈ ఏడాది జులై 1న నూతన పన్ను వ్యవస్ధ ఏడేండ్ల ప్రస్ధానం పూర్తిచేసుకుంటుంది.

Read More :

Nayanthara | ఒకేచోట క‌లిసిన కోలీవుడ్, మాలీవుడ్ స్టార్ కపుల్స్.. నయనతార ఫొటోలు వైరల్‌