Bull Attack | ఫ్యామిలీ ఫంక్ష‌న్‌లో ప‌రేషాన్ చేసిన ఎద్దు.. వీడియో

Bull Attack | అదో ఫ్యామిలీ ఫంక్ష‌న్‌.. పాట‌లు, డ్యాన్స్‌ల‌తో వేడుక అట్ట‌హాసంగా సాగిపోతోంది. స్టేజీపై గాయ‌కులు పాడుతుంటే.. కింద ఉన్న వారంతా స్టెప్పులేస్తూ ఎంజాయ్ చేస్తున్నారు.

Bull Attack | అదో ఫ్యామిలీ ఫంక్ష‌న్‌.. పాట‌లు, డ్యాన్స్‌ల‌తో వేడుక అట్ట‌హాసంగా సాగిపోతోంది. స్టేజీపై గాయ‌కులు పాడుతుంటే.. కింద ఉన్న వారంతా స్టెప్పులేస్తూ ఎంజాయ్ చేస్తున్నారు. వీరి మ‌ధ్య‌లో ఓ ఎద్దు ప్ర‌త్య‌క్ష‌మైంది. దాన్ని ఇద్ద‌రు యువ‌కులు తాళ్ల‌తో బంధించి ప‌ట్టుకుని ఉన్నారు.

ఇక పాట‌ల జోష్‌కు జోరుగా డ్యాన్స్‌లు చేస్తున్న వేళ‌.. ఆ ఎద్దు సహ‌నం కోల్పోయిన‌ట్టుంది. దానికి తిక్క‌రేగిన‌ట్టుంది. ఇంకేముంది ఒక్క‌సారిగా ఎద్దు విజృంభించింది. అక్క‌డున్న వారిని తొక్కుకుంటూ స్టేజీపైకి దూసుకెళ్లింది. అటు నుంచి మ‌ళ్లీ స్టేజీ కింద‌కు గెంతులేస్తూ ప‌రుగెత్తింది. దీంతో అక్క‌డున్న మ‌హిళ‌లు, చిన్నారులు భ‌యంతో ప‌రుగులు తీశారు. చివ‌ర‌కు ఆ ఎద్దును అక్క‌డున్న యువ‌కులు బంధించారు.

ప్ర‌స్తుతం ఈ వీడియో నెట్టింట వైర‌ల్ అవుతోంది. అయితే ఎద్దు దాడిలో ప‌లువురు గాయ‌ప‌డిన‌ట్లు తెలుస్తోంది. ఇక ఈ ఘ‌ట‌న ఏ ప్రాంతంలో జ‌రిగింద‌నే దానిపై క‌చ్చిత‌మైన స‌మాచారం లేదు. ఈ వీడియోను 2 ల‌క్ష‌ల 45 వేల‌కు పైగా వీక్షించారు.

Panic at the disco after a Bull attack:
pic.twitter.com/KHhySUOgSC

— Ghar Ke Kalesh (@gharkekalesh) May 13, 2025