Silver ornaments | ఇంటి నిర్మాణం కోసం తొవ్వితే.. బయటపడిన పురాతన నాణేలు, వెండి ఆభరణాలు

ఇంటి నిర్మాణం కోసం తొవ్వుతుండగా పురాత నాణేలు (Old coins), వెండి ఆభరణాలు (Silver ornaments) బయటపడ్డ ఘటన ఉత్తరప్రదేశ్‌లోని (Uttar Pradesh) కొత్వాలి జాలౌన్‌లో (Kotwali Jalaun) చోటుచేసుకున్నది. కొత్వాలి జాలౌన్‌లోని వ్యాస్‌ పురా (Vyas Pura ) గ్రామానికి చెందిన కమలేశ్‌ కుశ్వాహా అనే వ్యక్తి తనకున్న జాగలో ఇళ్లు కట్టుకుంటున్నాడు.

ఉత్తరప్రదేశ్‌: ఇంటి నిర్మాణం కోసం తొవ్వుతుండగా పురాతన నాణేలు (Old coins), వెండి ఆభరణాలు (Silver ornaments) బయటపడ్డ ఘటన ఉత్తరప్రదేశ్‌లోని (Uttar Pradesh) కొత్వాలి జాలౌన్‌లో (Kotwali Jalaun) చోటుచేసుకున్నది. కొత్వాలి జాలౌన్‌లోని వ్యాస్‌ పురా (Vyas Pura ) గ్రామానికి చెందిన కమలేశ్‌ కుశ్వాహా అనే వ్యక్తి తనకున్న జాగలో ఇళ్లు కట్టుకుంటున్నాడు. ఇందులో భాగంగా పునాది తొవ్వుతుండగా ఓ ట్రంకు పెట్టె బయటపడింది. దానిని వెలికితీసి చూడగా.. అందులో నాణేలు, వెండి నగలు లభించాయి. ఆ పెట్టెలో మొత్తం 279 పురాతన నాణేలను గుర్తించారు. దీంతో అతడు అధికారులకు సమాచారం అందించాడు.

ఘటనా స్థలానికి చేరుకున్న డిప్యూటీ డిస్ట్రిక్ట్‌ మేజిస్ట్రేట్‌ రాజేశ్‌ సింగ్‌.. ఆర్కియాలజీ సర్వే ఆఫ్‌ ఇండియా (ASI) అధికారులకు విషయాన్ని తెలిపారు. దీంతో వారు ఆ బెట్టెను స్వాధీనం చేసుకున్నారు. నగలు, నాణేలు 1862 నాటి బ్రిటిష్‌ కాలానికి చెందినవిగా గుర్తించారు.