భువనేశ్వర్: ఒక ఎమ్మెల్యే క్రికెట్ మ్యాచ్ను ప్రారంభించారు. ఈ సందర్భంగా తనలోని క్రీడాకారుడ్ని అందరికీ చూపాలనుకున్నారు. బ్యాటింగ్ చేయబోయి అదుపుతప్పి బొక్క బోర్లాపడ్డారు. గాయపడిన ఆయన ఆసుపత్రిపాలయ్యారు. ఈ వీడియో క్లిప్ సోషల్ మీడియాలో వైరల్ అయ్యింది. ఒడిశాలోని కలహండి జిల్లాలో ఈ సంఘటన జరిగింది. నార్ల నియోజకవర్గం ఎమ్మెల్యే భూపేంద్ర సింగ్ (Odisha MLA Bhupendra Singh) ఇటీవల కలహండిలో క్రికెట్ మ్యాచ్ను ప్రారంభించారు. యువకుల హుషారు, క్రికెట్ పిచ్ చూడగానే బ్యాట్ పట్టుకోకుండా ఉండలేకపోయారు. ఒక యువకుడు బాల్ వేయగా బ్యాట్తో బిగ్ షాట్ కొట్టేందుకు ప్రయత్నించారు. ఈ క్రమంలో ఎమ్మెల్యే భూపేంద్ర సింగ్ అదుపుతప్పి నేలపై బోర్లాపడ్డారు. దీంతో తల, ముఖం, చేతులకు గాయాలయ్యాయి. ఈ నేపథ్యంలో చికిత్స కోసం ఆసుపత్రిలో అడ్మిట్ అయ్యారు.
కాగా, ఈ వీడియో క్లిప్ సోషల్ మీడియాలో వైరల్ అయ్యింది. ఈ వీడియోపై నెటిజన్లు భిన్నంగా స్పందించారు. రాజకీయ నాయకులు రాజకీయాలకు పరిమితమైతే మంచిదని కొందరు సూచించారు. క్రీడల్లో కూడా రాజకీయం చేయాలని చూస్తే ఇలాంటి పరిస్థితులు ఎదుర్కోవాల్సి ఉంటుందని మరికొందరు వ్యాఖ్యానించారు.
क्रिकेट खेलते गिरे विधायक, हुए जख्मी!
ओडिशा के नारला के बीजेडी विधायक भूपेन्द्र सिंह कालाहांडी में एक खेल प्रतियोगिता का उद्घाटन करने गए, तभी बल्लेबाजी में हाथ आजमाने लगे, शॉट मारने की कोशिश में पिच पर जा गिरे और बुरी तरह चोटिल हो गए. अस्पताल में इलाज जारी है, वीडियो वायरल हो… pic.twitter.com/qEhLerJYG3
— Gyanendra Shukla (@gyanu999) December 29, 2023