Visit:
భువనేశ్వర్: తప్పుడు డిజైన్లు, నాసిరకం నిర్మాణం, సరైన నిర్వహణ లేక రోడ్డు ప్రమాదాల్లో పాదచారులు చనిపోయినా లేదా గాయపడినా అందుకు ఆ రోడ్డు నిర్మించిన కాంట్రాక్టర్లు, ప్రభుత్వ ఇంజినీర్లు, నిర్మాణ సంస్థలపై నేరాభియోగాలను నమోదు చేసి, జరిమానాలు విధించాలని ఒడిశా ప్రభుత్వం యోచిస్తున్నది. ఈ మేరకు పాదచారుల భద్రత నిబంధనల ముసాయిదాను ఈ నెల 24న విడుదల చేసింది. ప్రతిపాదిత నిబంధనల ప్రకారం.. మోటర్ వాహనాల చట్టంలోని సెక్షన్ 198ఏ ప్రకారం ఈ తరహా ఘటనల్లో కాంట్రాక్టర్లు, ఇంజినీర్లు విచారణ ఎదుర్కోవాల్సి ఉంటుంది.
దీంతో పాటు నిర్మాణ సంస్థలను ఒప్పందాల నుంచి తొలగించడం, బ్లాక్ లిస్టులో పెట్టడం, చెల్లింపులను నిలిపేయడం చేస్తారు. రోడ్డు ప్రాజెక్ట్కు తుది అనుమతి లేదా తుది ఆర్థిక చెల్లింపు జరిగే ముందు, ప్రధాన ఇంజినీర్లు, కాంట్రాక్టర్లు వ్యక్తిగత చట్టపరమైన బాధ్యతను అంగీకరిస్తూ భద్రత సమ్మతి ప్రకటనపై తప్పనిసరిగా సంతకం చేయాలి.
