Malaria vaccine | మలేరియాకు కొత్త టీకా.. అభివృద్ధి చేస్తున్న జేఎన్‌యూ శాస్త్రవేత్తలు

Malaria vaccine | మలేరియా నిర్మూలన కోసం టీకాను అభివృద్ధి పరచడంలో ఢిల్లీలోని జేఎన్‌యూ శాస్త్రవేత్తలు గొప్ప ముందడుగు వేశారు. మరింత సమర్థంగా మలేరియా నిరోధం, చికిత్సకు బాటలు వేశారు. ప్రొఫెసర్‌ శైలజ సింగ్‌, ప్రొఫెసర్‌ ఆనంద్‌ రంగనాథన్‌ ఆధ్వర్యంలో ఈ పరిశోధన జరిగింది.

న్యూఢిల్లీ: మలేరియా నిర్మూలన కోసం టీకాను అభివృద్ధి పరచడంలో ఢిల్లీలోని జేఎన్‌యూ శాస్త్రవేత్తలు గొప్ప ముందడుగు వేశారు. మరింత సమర్థంగా మలేరియా నిరోధం, చికిత్సకు బాటలు వేశారు. ప్రొఫెసర్‌ శైలజ సింగ్‌, ప్రొఫెసర్‌ ఆనంద్‌ రంగనాథన్‌ ఆధ్వర్యంలో ఈ పరిశోధన జరిగింది. యాంటీ మలేరియల్‌ డ్రగ్స్‌ ప్రభావాన్ని నిరోధించగలిగే రోగ నిరోధక సామర్థ్యాన్ని దోమలు ఎప్పటికప్పుడు అభివృద్ధి చేసుకుంటున్నాయి.

మరోవైపు మలేరియాకు సమర్థవంతమైన టీకాలు లేవు. దీంతో ఈ ప్రాణాంతక మహమ్మారితో పోరాటంలో ప్రగతికి ఆటంకాలు ఎదురవుతున్నాయి. దీనిపై ప్రొఫెసర్‌ శైలజ మాట్లాడుతూ..మనిషిలో ఇన్ఫెక్షన్‌ను చొప్పించడానికి దోహదపడే రెండు తటస్థ అణువులు పీహెచ్‌బీ2-హెచ్‌ఎస్‌పీ70ఏ1ఏను గుర్తించినట్లు తెలిపారు. ఈ పారాసైట్‌ ప్రొటీన్‌ పీహెచ్‌బీ2 ఓ ప్రభావవంతమైన వ్యాక్సిన్‌కు దోహదం చేసే కారణం కాగలదన్నారు.

వివిధ సెల్యూలార్‌ ప్రాసెస్‌లను నిర్వహించడంలో కీలక పాత్ర పోషించే ప్రొటీన్ల కుటుంబం ప్రొహిబిటిన్స్‌ అని చెప్పారు. మరో పరిశోధకుడు మనీషా మరోథియా మాట్లాడుతూ, పీఎఫ్‌పీహెచ్‌బీ2 యాంటీబాడీల ఉనికి మలేరియా చికిత్సలో గొప్ప మలుపు అని చెప్పారు.