Rashtrapati Bhavan | మోదీ ప్రమాణ స్వీకారం.. రాష్ట్ర పతి భవన్‌లో కనపడ్డది పిల్లి!

దేశ ప్రధానిగా మోదీ, ఆయన మంత్రివర్గం ప్రమాణస్వీకారం చేస్తున్నవేళ రాష్ట్రపతి భవన్‌లోకి అనుకోకుండా ఓ పెంపుడు జంతువు ప్రవేశించదన్న వీడియో ఒకటి సంచలనం రేపుతున్నది. అది పులి..కాదు పిల్లి? కాదు మరో పెంపుడు జంతువు..అంటూ అనేక ఊహాగానాలు వెలువడ్డాయి.

• మోదీ ప్రమాణ స్వీకారంలో కనిపించిన
• జంతువుపై ఢిల్లీ పోలీసులు వెల్లడి

Rashtrapati Bhavan | న్యూఢిల్లీ, జూన్‌ 10: దేశ ప్రధానిగా మోదీ, ఆయన మంత్రివర్గం ప్రమాణస్వీకారం చేస్తున్నవేళ రాష్ట్రపతి భవన్‌లోకి అనుకోకుండా ఓ పెంపుడు జంతువు ప్రవేశించదన్న వీడియో ఒకటి సంచలనం రేపుతున్నది. అది పులి..కాదు పిల్లి? కాదు మరో పెంపుడు జంతువు..అంటూ అనేక ఊహాగానాలు వెలువడ్డాయి. దీనిపై సోమవారం ఢిల్లీ పోలీసులు స్పష్టత ఇచ్చారు. ‘స్టేజీ వెనుకాల కనిపించిన జంతువు…ప్రతి ఇంట్లో ఉండే సాధారణ పిల్లి. రాష్ట్రపతి భవన్‌లో పెంపుడు కుక్కలు, పిల్లులు మాత్రమే ఉన్నాయి’ అని సోషల్‌ మీడియా ‘ఎక్స్‌’లో సందేశాన్ని పోస్ట్‌ చేశారు.

రాష్ట్రపతి భవన్‌ ఎస్టేట్‌లో చిరుత పులి ఉన్నట్టు ఎలాంటి నివేదికలు లేవని అటవీ శాఖ అధికారులు కూడా ప్రకటన విడుదల చేశారు. అత్యంత కట్టుదిట్టమైన భద్రతా ఏర్పాట్లు చేసిన ప్రమాణ స్వీకార కార్యక్రమంలోకి అనుమాననాస్పద జంతువు ఒకటి వచ్చిందని సోషల్‌ మీడియాలో పెద్ద ఎత్తున కామెంట్స్‌ వెలువడ్డాయి. దీంతో ఈ వీడియోపై ఢిల్లీ పోలీసులు స్పందించాల్సి వచ్చింది.