Visit:
చెన్నై, జూన్ 1 : తాను ధరిస్తున్న నలుపు-తెలుపు సూట్ల మాదిరే తన రాజకీయాలు పారదర్శకంగా, నిరాడంబరంగా ఉంటాయని తమిళనాడు సీఎం విజయ్ అన్నారు. అసెంబ్లీ ఎన్నికల్లో టీవీకే విజయాన్ని పురస్కరించుకొని సోమవారం తిరుచ్చిలో నిర్వహించిన కృతజ్ఞతా సభలో సీఎం విజయ్ ప్రసంగించారు. తాను నలుపు-తెలుపు సూట్స్ ధరించటంపై రాద్ధాంతం చేస్తున్న డీఎంకే రాజకీయ సంస్కృతిని తప్పుబట్టారు.
నలుపు-తెలుపు సూట్స్ వేసుకోవటం అధికార హోదా కాదని, ఎవరైనా ఈ దుస్తులు ధరించవచ్చునని స్పష్టం చేశారు. ‘రెండు రంగుల్లో ఉండే సూట్స్ను మాత్రమే ధరిస్తుంటాను. అది బ్లాక్ అండ్ వైట్. విజయ్ ప్రతి విషయంలో నలుపు-తెలుపులా ఉంటాడన్నది దీని వెనుకున్న ఉద్దేశం. నలుపు దేనికి సంకేతమో మీ అందరికీ తెలుసు. నేను చెప్పనవసరం లేదు’ అని అన్నారు. ఎన్నికల్లో టీవీకేకు అండగా నిలబడిన ఓటర్లకు కృతజ్ఞతలు తెలియజేశారు.
