Visit:
ముంబై: మ‌హారాష్ట్ర‌లో షిండే వ‌ర్గానికి చెందిన శివ‌సేన ఎమ్మెల్యే సంజ‌య్ గైక్వాడ్(MLA Sanjay Gaikwad) .. క్యాంటీన్ ఆప‌రేట‌ర్‌పై చేయి చేసుకున్నాడు. అత‌నికి ఇచ్చిన పప్పు క్వాలిటీ లేక‌పోవ‌డంతో ఆవేశానికి లోన‌య్యాడు. ఎమ్మెల్యే గైక్వాడ్ విసిరిన పంచ్‌ల‌కు క్యాంటీన్ ఆప‌రేట‌ర్ కింద ప‌డిపోయాడు. చ‌ర్చ్‌గేట్ వ‌ద్ద ఉన్న ఆకాశ‌వాణి ఎమ్మెల్యే క్యాంటీన్‌లో ఈ ఘ‌ట‌న జ‌రిగింది. ఆ ఘ‌ట‌న‌కు చెందిన వీడియో వైర‌ల్ అవుతున్న‌ది. తన చ‌ర్య ప‌ట్ల క్ష‌మాప‌ణ చెప్పేది లేద‌ని, ఇది శివ సేన స్ట‌యిల్ అంటూ ఆ ఎమ్మెల్యే అన్న‌ట్లు తెలుస్తోంది.
బుల్దానా నియోజ‌క‌వ‌ర్గానికి చెందిన సంజ‌య్ గైక్వాడ్.. దాల్ ఆర్డ‌ర్ చేశారు. ఆర్డ‌ర్ వ‌చ్చిన త‌ర్వాత తినే టైంలో ఆ పప్పు పులిసిన‌ట్లు గుర్తించారు. దీంతో ఆగ్ర‌హానికి గురైన ఆ ఎమ్మెల్యే.. ఆ ఆవేశంలోనే క్యాంటీన్ కౌంట‌ర్ వ‌ద్ద‌కు వెళ్లాడు. ఈ పప్పును ఎవ‌రు త‌యారు చేశార‌ని నిల‌దీశాడు. ఆ పప్పు వాస‌న చూడాల‌ని అంద‌ర్నీ పిలిచాడు. కొంత పప్పు తిన్నాన‌ని, అది క‌డుపులోకి వెళ్ల‌గానే క‌డుపు వికారంగా మారింద‌న్నారు.
At the MLA residence canteen Mumbai, PM Narendra Modi’s most favourite and trustworthy MLA, Sanjay Gaikwad (SS Shinde), was seen assaulting a poor staffer over bad food. But since he’s from a BJP ally, the media won’t highlight it or call it hooliganism pic.twitter.com/JTYPvFYaRr
— Pritesh Shah (@priteshshah_) July 9, 2025
దాల్‌ను ఎవ‌రు స‌ర్వ్‌చేశారు. దీన్ని ప్యాక్ చేసి ఫుడ్ డిపార్ట్‌మెంట్‌కు పంపండి అంటూ ఎమ్మెల్యే ఆగ్ర‌హించాడు. ఎమ్మెల్యేకే ఇలాంటి పప్పు పెడుతున్నారంటే సాధార‌ణ క‌స్ట‌మ‌ర్ల ప‌రిస్థితి ఏంట‌ని ఆయన ప్ర‌శ్నించారు. గొడ‌వ జ‌రుగుతున్న స‌మ‌యంలో క్యాంటీన్ ఆప‌రేట‌ర్ అక్క‌డ లేరు. మ‌ళ్లీ రిసెప్ష‌న్ వ‌ద్ద‌కు వెళ్లాడు ఎమ్మెల్యే. న‌డుం చుట్టు ట‌వ‌ల్ క‌ట్టుకుని, బినియ‌న్ మీదే వ‌చ్చిన అత‌ను సిబ్బందిపై ఊగిపోయాడు. కాసేప‌టికి క్యాంటీన్ ఆప‌రేట‌ర్ అక్క‌డ‌కు వ‌చ్చాడు. అత‌ని పప్పు ఇచ్చి స్మెల్ చూడ‌మ‌న్నాడు. ఇంత‌లోనే అత‌ని ముఖంపై ఎమ్మెల్యే పంచ్ విసిరాడు. అదే ఊపులో మ‌ళ్లీ రెండు పంచ్‌లు ఇచ్చాడు. దీంతో ఆ క్యాంటీన్ ఆప‌రేట‌ర్ కింద ప‌డిపోయాడు.
ఎమ్మెల్యేను మాత్ర‌మే కాదు, తానో యోధుడిన‌ని చెప్పాడు. ఎన్ని సార్లు చెప్పినా విననివారికి.. బాబాసాహెబ్ థాక‌రే బాష‌లో చెప్పాల్సి వ‌చ్చింద‌న్నారు. జూడో, జిమ్నాస్టిక్స్‌, క‌రాటే, రెజ్లింగ్‌లో చాంపియ‌న్‌ను అని, తానేమీ గాంధేయ‌వాదిని కాద‌న్నారు. తన చ‌ర్య ప‌ట్ల తానేమీ చింతించడంలేద‌న్నారు. ఏమీ త‌ప్పు చేయ‌లేద‌ని, అసెంబ్లీలోనూ ఈ అంశాన్ని లేవ‌నెత్త‌నున్న‌ట్లు ఎమ్మెల్యే గైక్వాడ్ తెలిపారు.
