మణిపూర్‌లో మరోసారి ఉద్రిక్తతలు

ఈశాన్య రాష్ట్రం మణిపూర్‌లో మళ్లీ ఉద్రిక్తతలు రేగాయి. ముఖ్యమంత్రి బీరేన్‌సింగ్‌ నివాసానికి సమీపంలోని పోలీస్‌ స్టేషన్‌ను ఆందోళనకారులు చుట్టుముట్టారు. ఆయుధాలను ఎత్తుకెళ్లేందుకు ప్రయత్నించారు.

• సీఎం ఇంటి సమీపంలోని పోలీస్‌స్టేషన్‌ను ముట్టడించిన ఆందోళనకారులు

ఇంఫాల్‌: ఈశాన్య రాష్ట్రం మణిపూర్‌లో మళ్లీ ఉద్రిక్తతలు రేగాయి. ముఖ్యమంత్రి బీరేన్‌సింగ్‌ నివాసానికి సమీపంలోని పోలీస్‌ స్టేషన్‌ను ఆందోళనకారులు చుట్టుముట్టారు. ఆయుధాలను ఎత్తుకెళ్లేందుకు ప్రయత్నించారు. అయితే పోలీసులు గాల్లోకి కాల్పులు జరిపి వారిని చెదరగొట్టారు. ఈ పరిణామాల నేపథ్యంలో ఇంఫాల్‌లో మళ్లీ కర్ఫ్యూ విధించారు. మంగళవారం మోరే ప్రాంతం లో హెలీప్యాడ్‌ నిర్మాణ పనులను పర్యవేక్షిస్తున్న పోలీస్‌ అధికారిని మిలిటెంట్లు కాల్చిచంపిన విషయం తెలిసిందే. ప్రభుత్వ అసమర్థతత వల్లే ఈ ఘటన జరిగిందని స్థానిక యువజన సంఘం ఆధ్వర్యంలో ఆందోళనకారులు పోలీస్‌ స్టేషన్‌ను ముట్టడించి ఆందోళన కొనసాగించారు.