కోల్కతా: తృణమూల్ కాంగ్రెస్ పార్టీ నేత మిమి చక్రవర్తి(Mimi Chakraborty) .. ఎంపీ పదవికి రాజీనామా చేశారు. తన రాజీనామా పత్రాన్ని.. టీఎంసీ అధినేత్రి మమతా బెనర్జీకి అందజేశారు. కానీ ఆ రాజీనామాను దీదీ ఆమోదించలేదని తెలుస్తోంది. జాదవ్పూర్ నియోజకవర్గానికి చెందిన ఎంపీ మిమి చక్రవర్తి.. స్థానిక టీఎంసీ నేతల మధ్య సఖ్యత కుదరడం లేదు. అయితే ఆ సమస్యలను తాను పరిష్కరించనున్నట్లు బెంగాల్ సీఎం వెల్లడించినట్లు తెలుస్తోంది. జాదవ్పూర్ కోసం కల కన్నానని, కానీ ఎన్నో అవరోధాలను ఎదుర్కోవాల్సి వస్తోందని, ఫిల్మ్ బ్యాక్గ్రౌండ్తో వచ్చిన వ్యక్తిని కించపరచడం అలవాటైపోయిందని ఎంపీ మిమి ఆరోపించారు. బెంగాల్ ఫిల్మ్ స్టార్గా మిమికి మంచి గుర్తింపు ఉన్నది. 2019 ఎన్నికల్లో ఆమె జాదవ్పూర్ నుంచి గెలుపొందారు. బీజేపీ అభ్యర్థి అనుపమ్ హజ్రా, సీపీఎం అభ్యర్థి బికాశ్ రాంజన్ భట్టాచార్య లాంటి హేమాహేమీలను ఆమె ఓడించారు.