Word Pad | విండోస్‌ నుంచి వర్డ్‌ప్యాడ్‌ ఔట్‌.. తదుపరి వెర్షన్ల నుంచి తొలగిస్తున్న మైక్రోసాఫ్ట్‌!

విండోస్‌ ఆపరేటింగ్‌ సిస్టమ్‌లో సుదీర్ఘకాలం కొనసాగిన వర్డ్‌ప్యాడ్‌ సేవల్ని నిలిపివేస్తున్నట్టు మైక్రోసాఫ్ట్‌ కంపెనీ వర్గాలు తాజాగా వెల్లడించాయి. ఇందుకు సంబంధించిన ప్రణాళికను రూపొందించినట్టు ‘విండోస్‌ ఇన్‌సైడర్‌ బ్లాగ్‌' తాజా కథనం పేర్కొన్నది.

Word Pad | న్యూఢిల్లీ: విండోస్‌ ఆపరేటింగ్‌ సిస్టమ్‌లో సుదీర్ఘకాలం కొనసాగిన వర్డ్‌ప్యాడ్‌ సేవల్ని నిలిపివేస్తున్నట్టు మైక్రోసాఫ్ట్‌ కంపెనీ వర్గాలు తాజాగా వెల్లడించాయి. ఇందుకు సంబంధించిన ప్రణాళికను రూపొందించినట్టు ‘విండోస్‌ ఇన్‌సైడర్‌ బ్లాగ్‌’ తాజా కథనం పేర్కొన్నది. విండోస్‌ ఆపరేటింగ్‌-1995తో మొదలైన వర్డ్‌ప్యాడ్‌ సేవలు 28 ఏండ్లుగా కొనసాగాయి. దీనికి ప్రత్యామ్నాయంగా మైక్రోసాఫ్ట్‌ వర్డ్‌, విండోస్‌ నోట్‌ప్యాడ్‌లను అందుబాటులోకి తీసుకొచ్చిన తర్వాత ‘వర్డ్‌ప్యాడ్‌’ అవసరం తగ్గింది. దీంతో తదుపరి విండోస్‌ వెర్షన్ల నుంచి వర్డ్‌ప్యాడ్‌ను పూర్తిగా తొలగిస్తున్నామని, ఇకపై అప్లికేషన్‌ను రీ-ఇన్‌స్టాల్‌ చేయటం కుదరదని అధికారిక బ్లాగ్‌ పోస్ట్‌లో మైక్రోసాఫ్ట్‌ తెలిపింది.