సాంకేతిక కారణాల వల్లే మోదీ వీడియో తొలగింపుపై

సోషల్‌ మీడియా ప్లాట్‌ఫామ్‌ ఫేస్‌బుక్‌లో ప్రధాని నరేంద్ర మోదీకి సంబంధించిన ఒక వీడియోను కొంతసేపు నిలిపివేసినందుకు మెటా ప్రభుత్వానికి క్షమాపణలు చెప్పింది.

• ప్రభుత్వానికి మెటా క్షమాపణ

న్యూఢిల్లీ: సోషల్‌ మీడియా ప్లాట్‌ఫామ్‌ ఫేస్‌బుక్‌లో ప్రధాని నరేంద్ర మోదీకి సంబంధించిన ఒక వీడియోను కొంతసేపు నిలిపివేసినందుకు మెటా ప్రభుత్వానికి క్షమాపణలు చెప్పింది. సాంకేతిక లోపం కారణంగానే ఆ వీడియోను తొలగించినట్లు ఆ సంస్థ వివరణ ఇచ్చినట్లు సంబంధిత వర్గాలు తెలిపాయి. ప్రభుత్వం ఈ ఘటనను తీవ్రంగా పరిగణిస్తున్నట్లు విశ్వసనీయ వర్గాలు తెలిపాయి.

మెటా ఇచ్చిన వివరణను, ఆ వీడియో తొలగింపునకు దారితీసిన పరిస్థితులను ప్రభుత్వం పరిశీలిస్తున్నట్లు వారు చెప్పారు. యువతను ఉద్దేశించి ప్రధాని పోస్ట్‌ చేసిన వీడియోను తొలగించడంపై ఐటీ శాఖ మెటాను వివరణ కోరింది.