నోయిడా : వేగంగా వెళుతున్న కారు రూఫ్పై ఓ వ్యక్తి ప్రమాదకర విన్యాసాలు (Viral Pic) చేసిన ఘటన నోయిడాలోని సెక్టార్ 18లో జరిగింది. దీనికి సంబంధించిన వీడియో సోషల్ మీడియా వేదికల్లో వైరల్ కావడంతో కారు యజమానికి నోయిడా ట్రాఫిక్ పోలీసులు చలానా జారీ చేశారు. ఢిల్లీ రిజిస్ట్రేషన్ నెంబర్తో నోయిడా వీధుల్లో తిరిగిన ఈ కారు వీడియో వైరల్ కావడంతో నోయిడా ట్రాఫిక్ పోలీసులు సత్వరమే స్పందించి కారు యజమాని మహేష్ పాల్పై చర్యలు చేపట్టారు.
ఈ వీడియోలో వైట్ మారుతి స్విఫ్ట్ కారును ఓ వ్యక్తి నడుపుతుండగా యల్లో టీ షర్ట్ ధరించిన మరో వ్యక్తి కారు రూఫ్పై విన్యాసాలు చేయడం కనిపిస్తుంది. ఇతర వాహనాలను ఈ కారు ఓవర్టేక్ చేస్తూ దూసుకుపోవడంతో అటుగా వెళుతున్నవారు దిగ్భ్రాంతికి గురవడం చూడొచ్చు. ఈ క్లిప్ను ట్విట్టర్లో షేర్ చేసిన వారు నోయిడా ట్రాఫిక్ పోలీస్ అధికారులను ట్యాగ్ చేస్తూ కారు యజమానిపై కఠిన చర్యలు చేపట్టాలని డిమాండ్ చేశారు.
నిబంధనలను అతిక్రమించిన వాహనాన్ని సీజ్ చేయాలని పలువురు యూజర్లు కోరారు. వైరల్ వీడియోపై స్పందించిన నోయిడా ట్రాఫిక్ పోలీసులు కారు యజమానిపై మోటారు వాహనాల చట్టంలోని పలు సెక్షన్ల కింద అభియోగాలు మోపారు. అన్ని ఉల్లంఘనలకు కలిపి ట్రాఫిక్ పోలీసులు వాహన యజమానికి రూ. 26,000 జరిమానా విధించారు. ట్రాఫిక్ నిబంధనల ఉల్లంఘనులపై కఠిన చర్యలు చేపడతామని ట్రాఫిక్ పోలీసులు హెచ్చరించారు.
Read More :