లక్నో: ఒక వ్యక్తి పాత కారును హెలికాప్టర్ మాదిరిగా మార్చాడు. (Man Modifies Car Into Chopper) గమనించిన ట్రాఫిక్ పోలీసులు దానిని స్వాధీనం చేసుకున్నారు. అలాగే నిబంధనలు ఉల్లంఘించినందుకు ఆ వ్యక్తికి జరిమానా విధించారు. ఉత్తరప్రదేశ్లోని అంబేద్కర్ నగర్లో ఈ సంఘటన జరిగింది. ఖజూరి బజార్లో నివసించే ఈశ్వర్ దీన్ వినూత్నంగా ఆలోచించాడు. తన కారును హెలికాప్టర్ మాదిరిగా తీర్చిదిద్దాడు. దానికి ఆ మేరకు రంగులు వేయించేందుకు వర్క్ షాపు నుంచి తీసుకెళ్లాడు.
కాగా, హెలికాప్టర్ మాదిరిగా మార్చిన ఆ కారును ట్రాఫిక్ పోలీసులు అడ్డుకున్నారు. దానిని స్వాధీనం చేసుకుని పోలీస్ స్టేషన్కు తరలించారు. వాహన చట్టం నిబంధనలు ఉల్లంఘించినందుకు రూ.2,000 జరిమానా విధించారు. హెలికాప్టర్ మాదిరిగా ఉన్న తోక భాగాన్ని తొలగింపజేశారు. ఈశ్వర్ ఆ చలానా కట్టడంతో కారును విడిచిపెట్టారు.
మరోవైపు వివాహ వేడుకలు, ఇతర కార్యక్రమాలకు అద్దెకు ఇచ్చి కొంత అదనంగా సంపాదించడం కోసం కారును హెలికాప్టర్ మాదిరిగా తీర్చిదిద్దినట్లు ఈశ్వర్ తెలిపాడు. తమ ప్రాంతంలో ఇలాంటి తరహా వాహనాలు చాలా ఉన్నాయని చెప్పాడు. దీని కోసం ఇప్పటికే సుమారు రూ.2.5 లక్షలు ఖర్చు చేసినట్లు అతడు వాపోయాడు.
#Watch | Uttar Pradesh Man Modifies Car Into 'Chopper', Cops Seize Vehicle For Flouting Rules
📹: ANI
Read Here: https://t.co/VbjeMTCQCG pic.twitter.com/MyGIk8Xa9q
— NDTV (@ndtv) March 20, 2024