Mamata Banerjee: ఎక్స్ ప్రొఫైల్‌ను ఎడిట్ చేసిన మ‌మ‌తా బెన‌ర్జీ.. ఎలా మార్చారో చూశారా?

Mamata Banerjee : మ‌మ‌తా బెన‌ర్జీ త‌న ఎక్స్ అకౌంట్ ప్రొఫైల్‌లో మార్పులు చేశారు. బెంగాల్ రాష్ట్రానికి చెందిన 15, 16, 17వ విధాన స‌భ‌ల‌కు ముఖ్య‌మంత్రిగా చేసిన‌ట్లు రాశారు. తాజా అసెంబ్లీ ఎన్నిక‌ల్లో ఓడిన దీదీ.. త‌న రాజీనామాను స‌మ‌ర్పించేందుకు నిరాక‌రించిన విష‌యం తెలిసిందే.

కోల్‌క‌తా: ప‌శ్చిమ బెంగాల్ అసెంబ్లీ ఎన్నిక‌ల్లో మ‌మ‌తా బెన‌ర్జీ(Mamata Banerjee) నేతృత్వంలోని తృణ‌మూల్ పార్టీ ఓడిన విష‌యం తెలిసిందే. అయితే మోస‌పూరితంగా బీజేపీ గెలిచింద‌ని, త‌న ప‌ద‌వికి రాజీనామా చేసేది లేద‌ని మ‌మ‌తా బెన‌ర్జీ భీష్మించుకున్న విష‌యం తెలిసిందే. కానీ బెంగాల్ స‌ర్కారును ఆ రాష్ట్ర గ‌వ‌ర్న‌ర్ ఏడ‌వ తేదీన ర‌ద్దు చేశారు. ఇవాళ బెంగాల్ సీఎంగా సువేందు అధికారి ప్ర‌మాణ స్వీకారం చేశారు. ఈ నేప‌థ్యంలో మ‌మ‌తా బెన‌ర్జీ త‌న ఎక్స్ అకౌంట్ ప్రొఫైల్‌ను మార్చేశారు. ఓట‌మిని అంగీక‌రించిన రీతిలో ఆమె ప్రొఫైల్‌లో క‌నిపించింది. బ‌యో డిటేల్స్‌ను త‌న ప్రొఫైల్‌లో ఆమె అప్‌డేట్ చేశారు. ఆల్ ఇండియా తృణ‌మూల్ కాంగ్రెస్ వ్య‌వ‌స్థాప‌కురాలి రాశారు. దాంతో పాటు ప‌శ్చిమ బెంగాల్‌కు చెందిన 15, 16, 17వ విధాన స‌భ‌ల‌కు ముఖ్య‌మంత్రిగా ఉన్న‌ట్లు ఎడిట్ చేశారు. చాలా తెలివిగా దీదీ త‌న ప్రొఫైల్ బ‌యోను ఎడిట్ చేశారు. భ‌బానీపుర్ నుంచి పోటీ చేసిన ఆమె సువేందు చేతిలో ఓట‌మిపాల‌య్యారు.