మ‌హారాష్ట్ర‌లో కొత్త‌గా 63,282 క‌రోనా కేసులు.. 802 మ‌ర‌ణాలు

ముంబై: మ‌హారాష్ట్ర‌లో క‌రోనా వ్యాప్తి తీవ్ర‌త కొన‌సాగుతున్న‌ది. శుక్ర‌వారం నుంచి శ‌నివారం వ‌ర‌కు కొత్త‌గా 63,282 క‌రోనా కేసులు, 802 మ‌ర‌ణాలు న‌మోద‌య్యాయి. దీంతో ఆ రాష్ట్రంలో మొత్తం క‌రోనా కేసుల సంఖ్య 46,65,754కు, మొత్తం మ‌ర‌ణాల సంఖ్య 69,615కు పెరిగింది.

మ‌రోవైపు గ‌త 24 గంట‌ల్లో 61,326 మంది క‌రోనా రోగులు కోలుకుని ఆసుప‌త్రుల నుంచి డిశ్చార్జ్ అయ్యారు. దీంతో క‌రోనా నుంచి కోలుకున్న వారి మొత్తం సంఖ్య 39,30,302కు చేరిన‌ట్లు ఆ రాష్ట్ర ఆరోగ్య శాఖ తెలిపింది. ప్ర‌స్తుతం రాష్ట్రంలో 6,63,758 యాక్టివ్ క‌రోనా కేసులు ఉన్న‌ట్లు పేర్కొంది. కాగా దేశ‌వ్యాప్తంగా క‌రోనా కేసులు, మ‌ర‌ణాల్లో మ‌హారాష్ట్ర తొలి స్థానంలో కొన‌సాగుతున్న‌ది.