కేరళలో కొత్తగా 30,196 కరోనా కేసులు.. 181 మరణాలు

తిరువనంతపురం: కేరళలో కరోనా విజృంభణ కొనసాగుతున్నది. గత కొన్ని రోజులుగా 30 వేలకుపైగా కరోనా కేసులు నమోదవుతున్నాయి. వందల సంఖ్యలో మరణాలు రికార్డవుతున్నాయి. మొహర్రం, ఓనమ్‌, రక్షాబంధన్ ‌వంటి వరుస పండుగ సెలవుల అనంతరం కరోనా కేసులు మరోసారి రికార్డుస్థాయికి పెరిగాయి. మంగళవారం నుంచి బుధవారం వరకు గత 24 గంటల్లో కొత్తగా 30,196 కరోనా కేసులు, 181 మరణాలు నమోదయ్యాయి. దీంతో ఆ రాష్ట్రంలో మొత్తం కరోనా కేసుల సంఖ్య 42,83,494కు, మొత్తం మరణాల సంఖ్య 22,001కు పెరిగింది.

మరోవైపు గత 24 గంటల్లో 27,579 మంది కరోనా రోగులు కోలుకుని ఆసుపత్రుల నుంచి డిశ్చార్జ్ అయినట్లు కేరళ ఆరోగ్య శాఖ తెలిపింది. దీంతో కరోనా నుంచి కోలుకున్న వారి మొత్తం సంఖ్య 40,21,456కు చేరుకున్నదని, ప్రస్తుతం రాష్ట్రంలో 2,39,480 యాక్టివ్ ‌కేసులు ఉన్నట్లు పేర్కొంది. కాగా, దేశంలో కరోనా హాట్‌స్పాట్‌గా కేరళ కొనసాగుతున్నది. ఆ రాష్ట్రంలో ‌పాజిటివిటీ రేటు 17.63 శాతం ఉన్నది.