తిరువనంతపురం: ప్రమాదవశాత్తు టెర్రస్ పైనుంచి పడిన తమ్ముడిని అన్న క్యాచ్ పట్టుకున్నాడు. అయితే ఈ క్రమంలో అతడు గాయపడ్డాడు. కేరళలోని మలప్పురంలో జూలై 31న ఈ సంఘటన జరిగింది. ఈ వీడియో సోషల్ మీడియాలో వైరల్ అయ్యింది. ఒక కుటుంబానికి చెందిన అన్నాదమ్ములు తమ ఇంటిని శుభ్రం చేస్తున్నారు. తమ్ముడు టెర్రస్పైన శుభ్రం చేస్తుండగా గ్రౌండ్ వద్ద ఉన్న అన్న పైప్తో బాల్కానీపైకి నీళ్లు చిమ్ముతున్నాడు.
అయితే టెర్రస్ క్లీనింగ్ చేస్తున్న తమ్ముడు ఒక్కసారిగా పట్టుతప్పాడు. తల కిందులుగా కిందకు పడిపోతున్న అతడ్ని కింద ఉన్న అన్న గమనించాడు. వెంటనే నీటి పైప్ వదిలేసి రెండు చేతులతో తమ్ముడ్ని పట్టుకున్నాడు. దీంతో వారిద్దరూ కింద పడిపోయారు. అయితే తమ్ముడ్ని క్యాచ్ పట్టుకున్న అన్న తల నేలకు తగిలింది. దీంతో అతడు స్వల్పంగా గాయపడ్డాడు. కాగా, ఆ ఇంటి వద్ద ఉన్న సీసీటీవీలో రికార్డైన ఈ వీడియో సోషల్ మీడియాలో వైరల్ అయ్యింది.
— Vishal Dharm (@VishalDharm1) August 3, 2022