Covid Vaccine | మోకాలు లోతు మంచులో వెళ్లి, వ్యాక్సిన్ ఇచ్చిన ఆరోగ్య కార్య‌క‌ర్త‌

Covid Vaccine | అస‌లే జ‌మ్మూ క‌శ్మీర్‌. ఆపై చ‌లికాలం. ఎటు చూసినా మంచు కుప్ప‌లే. ఎముక‌లు కొరికే చ‌లే. అయినా ఓ హెల్త్ వ‌ర్క‌ర్ వేకువ ఝామునే వ్యాక్సిన్‌

Covid Vaccine | అస‌లే జ‌మ్మూ క‌శ్మీర్‌. ఆపై చ‌లికాలం. ఎటు చూసినా మంచు కుప్ప‌లే. ఎముక‌లు కొరికే చ‌లే. అయినా ఓ హెల్త్ వ‌ర్క‌ర్ వేకువ ఝామునే వ్యాక్సిన్‌ ఇవ్వ‌డానికి బ‌య‌ల్దేరింది. ఆమె పేరు మస్ర‌త్ ఫ‌రీద్‌.. హెల్త్ వ‌ర్క‌ర్‌గా జ‌మ్మూ క‌శ్మీర్‌లో ప‌నిచేస్తున్నారు. వ్యాక్సినేష‌న్ డ్రైవ్‌లో భాగంగా ఆమె.. మోకాళ్ల లోతు మంచులో న‌డుస్తూ కూడా… త‌న విధుల‌ను స‌క్ర‌మంగా నిర్వ‌ర్తించారు. చ‌లికాలం, రోడ్డులో మంచు పేరుకు పోయింది. అయినా కోవిడ్‌ను జ‌యించాల‌న్న ఏకైక ల‌క్ష్యంతో మంచు గ‌డ్డ‌ల్లో న‌డుస్తూ, ప‌ర్వత ప్రాంతాల్లో వున్న వారికి వ్యాక్సిన్ అందించింది. గ‌త యేడాది కూడా మ‌స్ర‌త్ ఫ‌రీద్ బృందం ద‌ట్ట‌మైన కొండ ప్రాంతాల్లోకి వెళ్లి, ట్రెక్కింగ్ చేస్తూ మ‌రీ వెళ్లారు. ఇలా కొండ ప్రాంతాల్లో ట్రెక్కింగ్ చేస్తూ, చాలా మందికి వ్యాక్సిన్‌ను అందించారు.

ఈ విష‌యంపై మ‌స్ర‌త్ ఫ‌రీద్‌ను అడ‌గ్గా… మ‌నం కోవిడ్‌తో పోరాడుతున్నాం. అలాగే ముందుకు సాగాలి. ఇంకా ఇప్ప‌టికీ కొంత మంది వ్యాక్సిన్ విష‌యంలో సంకోచిస్తూనే వున్నారు. హిమాల‌య ప్రాంతంలో చ‌లిని త‌ట్టుకోవ‌డం తేలిక‌. వారి న‌మ్మ‌కాన్ని చూర‌గొన‌డం మాత్రం క‌ష్ట‌మే సుమా అంటూ మోకాళ్ల లోతు వున్న మంచులో న‌డుస్తూ చెప్పారు.