Kacha Badam singer | క‌చ్చా బాదమ్ సింగ‌ర్ భుబ‌న్‌కు యాక్సిడెంట్.. ఎలా జ‌రిగిందంటే?

ఓవ‌ర్ నైట్ స్టార్‌ను చేసిన క‌చ్చాబాదమ్ పాట‌.. భుబ‌న్‌కు ల‌క్ష‌లు తెచ్చిపెట్టింది. వెస్ట్ బెంగాల్‌లో పెద్ద సెల‌బ్రిటీ అయిపోయాడు. భుబ‌న్

Kacha Badam singer | బాదామ్ బాదమ్.. క‌చ్చా బాదమ్ అంటూ వీధుల్లో తిరుగుతూ ప‌ల్లీలు అమ్ముకునే భుబ‌న్ బ‌ద్యాక‌ర్ క‌చ్చా బాదమ్ సాంగ్‌తో ఓవ‌ర్ నైట్ స్టార్ అయిన విష‌యం తెలిసిందే క‌దా. భుబ‌న్ బ‌ద్యాక‌ర్ అంటే ఎవ్వ‌రికీ తెలియ‌క‌పోవ‌చ్చు కానీ.. క‌చ్చా బాదమ్ సింగ‌ర్ అంటే ఆయ‌న్ను అంద‌రూ గుర్తు ప‌డ‌తారు. ఒక్క‌టంటే ఒక్క పాట‌తో ఇంట‌ర్నేష‌న‌ల్ స్టార్‌డ‌మ్ వ‌చ్చింది భుబ‌న్‌కు.

ఓవ‌ర్ నైట్ స్టార్‌ను చేసిన క‌చ్చాబాదమ్ పాట‌.. భుబ‌న్‌కు ల‌క్ష‌లు తెచ్చిపెట్టింది. వెస్ట్ బెంగాల్‌లో పెద్ద సెల‌బ్రిటీ అయిపోయాడు. అయితే భుబ‌న్‌కు తాజాగా యాక్సిడెంట్ అయింది. క‌చ్చా బాద‌మ్ పాట కోసం ఓ మ్యూజిక్ ఆల్బ‌మ్ కంపెనీ భుబ‌న్‌కు మూడు ల‌క్ష‌ల రూపాయ‌ల పారితోషికం ఇచ్చింది. ఆ డ‌బ్బుతో సెకండ్ హ్యాండ్ కారు కొన్న భుబ‌న్.. దాన్ని నేర్చుకుంటున్న క్ర‌మంలో యాక్సిడెంట్ అయింది. దీంతో ఆయ‌న చాతికి గాయాల‌య్యాయి. ప్ర‌స్తుతం కోల్‌క‌తాలోని సూరి సూప‌ర్ స్పెషాలిటీ ఆసుప‌త్రిలో భుబ‌న్ చికిత్స పొందుతున్నాడు. ఫిబ్ర‌వ‌రి 28న ఈ ఘ‌ట‌న చోటు చేసుకుంది.

భుబ‌న్ బ‌ద్యాక‌ర్‌ది వెస్ట్ బెంగాల్‌లోని బిర్భుమ్ జిల్లా ల‌క్ష్మీనారాయ‌ణ్‌పూర్ అనే గ్రామం. ఆయ‌న‌కు ఇద్ద‌రు కొడుకులు, ఒక కూతురు ఉంది. మొన్న‌టి వ‌ర‌కు వీధుల్లో సైకిల్ మీద ప‌ల్లీలు అమ్ముతూ త‌న జీవనాన్ని సాగించాడు భుబ‌న్. రోజూ 3 నుంచి 4 కిలోల ప‌ల్లీలు అమ్మి రూ.250 వ‌ర‌కు సంపాదించేవాడు. క‌చ్చా బాద‌మ్ పాట‌తో ఫేమ్ అయిపోయాక‌.. ఇక ప‌ల్లీలు అమ్మ‌ను.. అంటూ భుబ‌న్ ప్ర‌క‌టించాడు.