Energy Drinks | మీరు ఎనర్జీ డ్రింక్స్‌ తాగుతున్నారా.. అయితే మీకో బ్యాడ్‌ న్యూస్‌

ఈ మధ్య యువత ఎనర్జీ డ్రింక్స్‌ తాగేందుకు ఎక్కువగా ఇష్టపడుతున్నారు. ఇలాంటి వారికి ఓ అధ్యయనం చేదువార్త చెప్పింది.

Energy Drinks | న్యూఢిల్లీ: ఈ మధ్య యువత ఎనర్జీ డ్రింక్స్‌ తాగేందుకు ఎక్కువగా ఇష్టపడుతున్నారు. ఇలాంటి వారికి ఓ అధ్యయనం చేదువార్త చెప్పింది. ప్రతిరోజూ శక్తినిచ్చే పానీయాలు తాగేవారు నిద్రలేమితో బాధపడుతున్నట్టు తేల్చింది. 18-35 ఏండ్ల మధ్య వయసు గల 53,266 మందిపై పరిశోధకులు అధ్యయనం నిర్వహించారు.

ఇందులో ప్రతిరోజూ ఎనర్జీ డ్రింక్‌ తాగేవారు అప్పుడప్పుడు తాగేవారు లేదా వాటి జోలికి వెళ్లని వారితో పోలిస్తే రోజులో గంటసేపు తక్కువ నిద్రపోతున్నట్టు గుర్తించారు. రోజుకు రెండుసార్లు ఈ డ్రింక్స్‌ తాగేవారు ఆరు గంటల కంటే తక్కువే నిద్రపోతున్నారని గుర్తించారు.