viral video | పెద్దాయ‌నకు బాలిక చిరుసాయం : చిన్నారి ఔదార్యానికి నెటిజ‌న్లు ఫిదా

సోష‌ల్ మీడియాలో ఎన్నో వీడియోలు వైర‌ల‌వుతున్నా కొన్ని వీడియోలు (viral video) మాత్రం గుండెల‌ను తాకుతుంటే మ‌రికొన్ని ఉద్వేగంతో కంట‌నీరు తెప్పిస్తుంటాయి.

April 7, 2023 / 02:38 PM IST

viral video | పెద్దాయ‌నకు బాలిక చిరుసాయం : చిన్నారి ఔదార్యానికి నెటిజ‌న్లు ఫిదా

న్యూఢిల్లీ : సోష‌ల్ మీడియాలో ఎన్నో వీడియోలు వైర‌ల‌వుతున్నా కొన్ని వీడియోలు (viral video) మాత్రం గుండెల‌ను తాకుతుంటే మ‌రికొన్ని ఉద్వేగంతో కంట‌నీరు తెప్పిస్తుంటాయి. తాజాగా భావోద్వేగాల‌ను రేకెత్తించే ఈ త‌ర‌హా వీడియో ఒక‌టి నెట్టింట తెగ వైర‌ల‌వుతోంది. పెద్దాయ‌న బాటిల్ నుంచి నీరు తాగేందుకు ఓ చిన్నారి సాయం చేస్తున్న వీడియో అంద‌రినీ ఆక‌ట్టుకుంటోంది.

ఈ వీడియోను గుడ్‌న్యూస్ మూవ్‌మెంట్ సోష‌ల్ మీడియా ఖాతాల్లో షేర్ చేసింది. ఇన్‌స్టాగ్రాంలో ఈ వైర‌ల్ క్లిప్‌ను ఏకంగా 15 ల‌క్ష‌ల మంది వీక్షించారు. ఈ వీడియోలో రోడ్డు ప‌క్క‌న కూర్చున్న ఓ పెద్దాయ‌న బాటిల్ నుంచి నీరు తాగేందుకు ఇబ్బంది ప‌డుతుంటాడు. అత‌డి చేయి వ‌ణుకుతుండ‌టంతో బాటిల్‌ను పైకి లేపి నీరు తాగేందుకు ఆయ‌న‌కు చేత‌కాక‌పోవ‌డం కనిపిస్తుంది.

పెద్దాయ‌న ఇబ్బందిన గ‌మ‌నించిన బాలిక అత‌డికి బాటిల్ నుంచి నీరు తాగేందుకు స‌హ‌క‌రిస్తుంది. బాలిక‌ పెద్దాయ‌న వీపుపై ఒక చేయి వేసి మ‌రో చేతితో బాటిల్ ప‌ట్టుకుని ఆయ‌న‌తో నీరు తాగించ‌డం ఈ వీడియోలో చూడొచ్చు. బాలిక ఔదార్యానికి నెటిజ‌న్లు ప్ర‌శంస‌లు గుప్పించారు. ఈ చిన్నారి దయా గుణం, ఇత‌రుల ప‌ట్ల చూపే స‌హానుభూతి గొప్ప‌వ‌ని కామెంట్స్ సెక్ష‌న్‌లో యూజ‌ర్లు రాసుకొచ్చారు.