Kohinoor | కోహినూర్‌ను తిరిగి తెచ్చుకోవడానికి హిలేరియస్ ప్లాన్ చెప్పిన హర్ష్ గోయెంకా

Kohinoor | ఇంగ్లండ్ ప్రధానిగా భారత సంతతికి చెందిన రిషి సునాక్ నియమితుడైనప్పటి నుంచి నెట్టింట రకరకాల మీమ్స్ వైరల్ అవుతున్నాయి. వీరిలో కొందరు రిషికి, టీమిండియా మాజీ పేసర్ ఆశిష్ నెహ్రాకు

ఇంగ్లండ్ ప్రధానిగా భారత సంతతికి చెందిన రిషి సునాక్ నియమితుడైనప్పటి నుంచి నెట్టింట రకరకాల మీమ్స్ వైరల్ అవుతున్నాయి. వీరిలో కొందరు రిషికి, టీమిండియా మాజీ పేసర్ ఆశిష్ నెహ్రాకు మధ్య ఉన్న పోలికలను ఉదహరిస్తూ ఫన్నీ కామెంట్స్ చేస్తున్నారు. అలాగే మరికొందరేమో ఇప్పటికైనా మన కోహినూర్ తిరిగి ఇచ్చేయాలని కామెంట్లు చేస్తున్నారు.

ఇప్పుడు ఈ రేసులో ప్రముఖ ఇండస్ట్రియలిస్ట్ హర్ష్ గోయెంకా కూడా చేరారు. కోహినూర్‌ను తిరిగి భారత్‌కు తీసుకువచ్చేందుకు తన స్నేహితుడు ఒక ప్లాన్ చెప్పాడంటూ ఆయన ఒక పథకాన్ని నెట్టింట పంచుకున్నారు.

‘కోహినూర్‌ను వెనక్కు తెచ్చేందుకు నా స్నేహితుడి ఐడియా.. రిషి సునాక్‌ను భారత్‌కు ఆహ్వానించాలి. తన అత్తమామలను కలిసేందుకు ఆయన బెంగళూరు ట్రాఫిక్‌లో ఉండగా కిడ్నాప్ చేసేయాలి. ఆ తర్వాత రిషి స్థానంలో ఆశిష్ నెహ్రాను ఆ దేశం పంపించాలి. అలా చేసినా ఎవరూ గుర్తు పట్టలేరు. చివరగా కోహినూర్‌ను భారత్‌కు తిరిగిచ్చే బిల్లును పాస్ చేయించాలని నెహ్రాకు చెప్తాం’ ఇదీ హర్ష్ గోయెంకా స్నేహితుడు చెప్పిన ప్లాన్. ఇది చూసిన నెటిజన్లు పగలబడి నవ్వుకుంటాన్నారు.

My friend’s idea to get back #Kohinoor:
1. Invite #RishiSunak to India
2. Kidnap him when he is stuck in Bangalore traffic to visit his in-laws
3. Send instead Ashish Nehra as UK PM. No one will realise it.
4. Nehra will be told to pass the bill to return Kohinoor

💎 in 🇮🇳! 😀😀

— Harsh Goenka (@hvgoenka) October 25, 2022