Ragging | ఒడిశా కళాశాలలో ర్యాగింగ్‌.. మైనర్‌ బాలికకు బలవంతంగా ముద్దులు పెట్టించి..!

Ragging | మన దేశంలో ర్యాగింగ్‌పై నిషేధం ఉంది. ఎవరైనా ర్యాగింగ్‌కు పాల్పడితే మూడేళ్లు జైలు శిక్ష విధించేలా చట్టాన్ని తీసుకొచ్చారు. అయినప్పటికీ కొన్ని కళాశాలల్లో సీనియర్లు జూనియర్ల పట్ల కర్కశంగా వ్యవహరిస్తూ ర్యాగింగ్‌కు పాల్పడుతున్నారు. తాజాగా ఒడిశాలోని ఓ కళాశాలలో ఇలాంటి ఘటనే ఒకటి చోటు చేసుకుంది. కళాశాలలో కొత్తగా చేరిన ఓ అమ్మాయి పట్ల సీనియర్లు మితిమీరి ప్రవర్తించారు.

Ragging | మన దేశంలో ర్యాగింగ్‌పై నిషేధం ఉంది. ఎవరైనా ర్యాగింగ్‌కు పాల్పడితే మూడేళ్లు జైలు శిక్ష విధించేలా చట్టాన్ని తీసుకొచ్చారు. అయినప్పటికీ కొన్ని కళాశాలల్లో సీనియర్లు జూనియర్ల పట్ల కర్కశంగా వ్యవహరిస్తూ ర్యాగింగ్‌కు పాల్పడుతున్నారు. తాజాగా ఒడిశాలోని ఓ కళాశాలలో ఇలాంటి ఘటనే ఒకటి చోటు చేసుకుంది. కళాశాలలో కొత్తగా చేరిన ఓ అమ్మాయి పట్ల సీనియర్లు మితిమీరి ప్రవర్తించారు.

ఒడిశాలోని గంజాం జిల్లాలో ఓ ప్రభుత్వ కళాశాలలో కొత్తగా చేరిన ఓ మైనర్‌ బాలికను సీనియర్‌ విద్యార్థులు ర్యాగింగ్‌ చేశారు. అంతటితో ఆగకుండా శారీరకంగా వేధింపులకు గురి చేశారు. ఫ్రెషర్‌ విద్యార్థితో బాలికకు బలవంతంగా కళాశాల గ్రౌండ్‌లో అందరి ముందూ ముద్దులు పెట్టించారు. మధ్యలో విద్యార్థిని వెళ్లిపోతుండగా పక్కనే నిల్చొని ఉన్న సీనియర్‌ విద్యార్థి కర్రతో ఆమెను బెదిరించి ఆపాడు. ఆ సమయంలో పక్కనే మరికొంతమంది విద్యార్థినిలు ఉన్నా ఈ దారుణాన్ని అడ్డుకోకుండా చోద్యం చూస్తుండటం విచారకరం. అక్కడే ఉన్న మరికొంతమంది విద్యార్థులు ఈ ఘటనను వీడియో తీసి సోషల్‌ మీడియాలో పోస్టు చేశారు.

ఇది కాస్తా వైరల్‌ కావడంతో ఘటనపై కళాశాల యాజమాన్యం చర్యలకు ఉపక్రమించింది. ఈ దారుణానికి పాల్పడిన విద్యార్థులకు టీసీ ఇచ్చి కళాశాల నుంచి పంపించేసింది. మరోవైపు ర్యాగింగ్‌కు పాల్పడిన విద్యార్థులపై ఒడిశా పోలీసులు పలు సెక్షన్ల కింద కేసులు నమోదు చేసి అరెస్టు చేశారు. ఇందులో ఓ విద్యార్థి బెయిల్‌పై విడుదలయ్యాడు.

https://www.youtube.com/watch?v=kNzq7RUG4j4