Girl died | కార్డియాక్ అరెస్ట్‌తో స్కూల్లో కుప్ప‌కూలిన‌ తొమ్మిదేళ్ల బాలిక..!

Girl died | దేశ రాజ‌ధాని ఢిల్లీలో బుధవారం ఉదయం విషాద ఘ‌ట‌న‌ చోటుచేసుకుంది. ఓ పాఠశాలలో తొమ్మిదేళ్ల బాలిక‌ ఒక్కసారిగా కుప్పకూలి దుర్మ‌ర‌ణం పాల‌య్యింది. లవ్లీ పబ్లిక్ స్కూల్‌లో మూడో తరగతి చదువుతున్న బాలిక అకస్మాత్తుగా ప‌డిపోయింది.

Girl died : దేశ రాజ‌ధాని ఢిల్లీ (Delhi) లో బుధవారం ఉదయం విషాద ఘ‌ట‌న‌ చోటుచేసుకుంది. ఓ పాఠశాలలో తొమ్మిదేళ్ల బాలిక‌ (Nine Years Old Girl) ఒక్కసారిగా కుప్పకూలి దుర్మ‌ర‌ణం పాల‌య్యింది. లవ్లీ పబ్లిక్ స్కూల్‌ (Lovely Public School) లో మూడో తరగతి చదువుతున్న బాలిక గుండె ఆగిపోవ‌డం (Cardiac Arrest) తో అకస్మాత్తుగా ప‌డిపోయింది. ఇది గమనించిన టీచర్ ఆ చిన్నారి దగ్గరికి వెళ్లి చూడగా ఎలాంటి స్పందన లేదు.

దాంతో పాఠశాల సిబ్బంది పాపను వెంటనే స్థానిక ఆస్ప‌త్రికి తరలించారు. అయితే అప్పటికే చిన్నారి మృతి చెందిందని వైద్యులు ధృవీకరించారు. ఘటనపై కేసు నమోదు చేసుకున్న పోలీసులు సీసీటీవీ ఫుటేజీని పరిశీలించారు. దీనిపై దర్యాప్తు చేస్తున్నామని తెలిపారు.