Gautam Gambhir | నడ్డా జీ.. నన్ను రాజకీయ బాధ్యతల నుంచి తప్పించండి: గౌతమ్‌ గంభీర్‌

తాను రాజకీయాల నుంచి తప్పుకోవాలని అనుకుంటున్నట్లు టీమ్‌ ఇండియా మాజీ క్రికెటర్‌, ఎంపీ గౌతమ్‌ గంభీర్‌ (Gautam Gambhir) అన్నారు. ఇకపై క్రికెట్‌పై దృష్టి సారించాలనుకుంటున్నానని చెప్పారు.

న్యూఢిల్లీ: తాను రాజకీయాల నుంచి తప్పుకోవాలని అనుకుంటున్నట్లు టీమ్‌ ఇండియా మాజీ క్రికెటర్‌, ఎంపీ గౌతమ్‌ గంభీర్‌ (Gautam Gambhir) అన్నారు. ఇక క్రికెట్‌పై దృష్టి సారించాలనుకుంటున్నానని చెప్పారు. ఈమేరకు తనను రాజకీయ బాధ్య‌త‌ల‌ను నుంచి తప్పించాలంటూ బీజేపీ జాతీయ అధ్యక్షుడు జేపీ నడ్డాను ట్యాగ్‌ చేస్తూ ట్వీట్‌ చేశారు. ‘క్రికెట్‌పై దృష్టి సారించేందుకే రాజకీయాల నుంచి తప్పుకోవాలనుకుంటున్నా. అందువల్ల నడ్డా గారు నన్ను రాజకీయ బాధ్యతల నుంచి తప్పించండి. ప్రజలకు సేవ చేసే అవకాశం ఇచ్చిన మోదీ, అమిత్‌షాకు ధన్యవాదాలు’ అంటూ ఎక్స్‌ వేదికగా తెలిపారు.

అయితే ఈ ఏడాది జరుగనున్న పార్లమెంటు ఎన్నికల్లో గంభీర్‌కు మరోసారి టికెట్‌ కేటాయించే అవకాశం లేనట్లు తెలుస్తున్నది. ఈ నేపథ్యంలోనే రాజకీయాల నుంచి తప్పుకుంటున్నట్లు ట్వీట్‌ చేశారు. కాగా, 2019, మార్చిలో ఆయన బీజేపీలో చేరారు. ఆ ఏడాది జరిగిన లోక్‌సభ ఎన్నికల్లో తూర్పు ఢిల్లీ నుంచి పోటీచేసిసి 6,95,109 ఓట్లతో విజయం సాధించారు.

I have requested Hon’ble Party President @JPNadda ji to relieve me of my political duties so that I can focus on my upcoming cricket commitments. I sincerely thank Hon’ble PM @narendramodi ji and Hon’ble HM @AmitShah ji for giving me the opportunity to serve the people. Jai Hind!

— Gautam Gambhir (@GautamGambhir) March 2, 2024