NEET – PG | రెండు రోజుల్లో నీట్ -పీజీ పరీక్ష తేదీల ప్రకటన.. కేంద్ర విద్యాశాఖ మంత్రి ధర్మేంద్ర ప్రధాన్..!

NEET - PG | వైద్య విద్య పీజీ కోర్సుల్లో అడ్మిషన్ల కోసం నిర్వహించే నీట్-పీజీ పరీక్ష షెడ్యూల్ రెండు రోజుల్లో వెలువడనున్నది.

June 29, 2024 / 10:28 PM IST

NEET – PG | రెండు రోజుల్లో నీట్ -పీజీ పరీక్ష తేదీల ప్రకటన.. కేంద్ర విద్యాశాఖ మంత్రి ధర్మేంద్ర ప్రధాన్..!

NEET – PG | వైద్య విద్య పీజీ కోర్సుల్లో అడ్మిషన్ల కోసం నిర్వహించే నీట్-పీజీ పరీక్ష షెడ్యూల్ రెండు రోజుల్లో వెలువడనున్నది. నేషనల్ బోర్డ్ ఆఫ్ ఎగ్జామినేషన్స్ (ఎన్బీఈ) ఈ మేరకు ప్రకటన చేస్తుందని కేంద్ర విద్యాశాఖ మంత్రి ధర్మేంద్ర ప్రధాన్ శనివారం చెప్పారు. నీట్ యూజీ 2024 పరీక్ష నిర్వహణలో అవకతవకలు, ప్రశ్నాపత్రం లీకేజీ ఆరోపణల నేపథ్యంలో నీట్ -పీజీ సహా పలు పోటీ పరీక్షలను కేంద్రం రద్దు చేసిన సంగతి తెలిసిందే.

హర్యానాలో బీజేపీ రాష్ట్ర కమిటీ సమావేశాల సందర్భంగా పంచ్‌కులలో కేంద్ర మంత్రి ధర్మేంద్ర ప్రధాన్ మీడియాతో మాట్లాడుతూ.. ఒకటి, రెండు రోజుల్లో నీట్ పీజీ పరీక్ష తేదీలను ఎన్బీటీ ప్రకటిస్తుందని చెప్పారు. రద్దు చేసిన మూడు ప్రవేశ పరీక్షల నిర్వహణ తేదీలను త్వరలో ప్రకటిస్తామని నేషనల్ టెస్టింగ్ ఏజెన్సీ (ఎన్టీఏ) పేర్కొన్న మరునాడే ధర్మేంద్ర ప్రధాన్ వ్యాఖ్యలకు ప్రాధాన్యం ఏర్పడింది.

ప్రవేశ పరీక్షల నిర్వహణలో సమగ్రత లోపించిందని కేంద్ర విద్యాశాఖకు నివేదికలు అందడంతో ఈ నెల 18న యూజీసీ నెట్ పరీక్ష రద్దు చేసినట్లు ప్రకటించింది. తిరిగి ఆగస్టు 21 నుంచి సెప్టెంబర్ నాలుగు మధ్య యూజీసీ నెట్ పరీక్ష జరుగనున్నది. డార్క్ నెట్ లో లీకైన ప్రశ్నాపత్రం టెలిగ్రామ్ యాప్ ద్వారా సర్క్యులేట్ అయిన ఘటనపై సీబీఐ దర్యాప్తు చేస్తుందని ధర్మేంద్ర ప్రధాన్ చెప్పారు.