కెరీర్‌పై ఆశలు కల్పించి.. బాలికపై ఫుట్‌బాల్‌ కోచ్‌ దారుణం

మహారాష్ట్ర పాల్ఘర్‌ ప్రాంతంలో షాకింగ్‌ ఘటన వెలుగు చూసింది. 36 ఏండ్ల ఫుట్‌బాల్‌ కోచ్‌ ఒక బాలికను మూడేండ్లపాటు అత్యాచారం చేశాడు.

ముంబయి, జూన్‌ 13: మహారాష్ట్ర పాల్ఘర్‌ ప్రాంతంలో షాకింగ్‌ ఘటన వెలుగు చూసింది. 36 ఏండ్ల ఫుట్‌బాల్‌ కోచ్‌ ఒక బాలికను మూడేండ్లపాటు అత్యాచారం చేశాడు. నిందితుడు అభిజిత్‌ మెండల్‌పై లైంగిక దాడి సహా పోక్సో చట్టం కింద పోలీసులు కేసులు నమోదు చేశారు. మెండల్‌ కోచ్‌గా పనిచేస్తున్న అకాడమీలో తాను 2023లో చేరానని 17 ఏండ్ల బాధితురాలు తెలిపింది.

గొప్ప అవకాశాలు కల్పిస్తానంటూ నమ్మించి పలుమార్లు అత్యాచారానికి పాల్పడినట్టు ఆమె తెలిపింది. నిందితుడు అభ్యంతరకరమైన వీడియోలను తీసి బ్లాక్‌మెయిల్‌ చేశాడని ఆరోపించింది దీనిపై ప్రాథమిక విచారణ జరిపిన పోలీసులు నిందితుడిని అరెస్టు చేశారు.