Visit:
ముంబై: ఆదాయపు పన్ను కార్యాలయం భవనంలో అగ్నిప్రమాదం సంభవించింది. బేస్మెంట్ ఏరియా, గ్రౌండ్ ఫ్లోర్లో మంటలు చెలరేగాయి. దీంతో పై అంతస్తుల్లో ఉన్న ఉద్యోగులు అక్కడ చిక్కుకుపోయారు. (Fire At Income Tax Office) ఫైర్ సిబ్బంది వెంటనే అక్కడకు చేరుకుని మంటలను ఆర్పడంతో పాటు ఆ ఉద్యోగులను రక్షించారు. మహారాష్ట్ర రాజధాని ముంబైలో ఈ సంఘటన జరిగింది. సోమవారం మధ్యాహ్నం 2 గంటల సమయంలో చర్చిగేట్ ప్రాంతంలోని మహర్షి కర్వే రోడ్డులో ఉన్న ఇన్కమ్టాక్స్ భవనంలో అగ్నిప్రమాదం సంభవించింది. ఏడు అంతస్తులున్న ఈ బిల్డింగ్లోని బేస్మెంట్, ఫస్ట్ ఫ్లోర్ వరకు మంటలు వ్యాపించాయి. దీంతో పై అంతస్తుల్లో ఉన్న ఉద్యోగులు అక్కడ చిక్కుకుపోయారు.
కాగా, ఈ అగ్నిప్రమాదం గురించి తెలిసిన వెంటనే అగ్నిమాపక, అత్యవసర వాహనాలతో ఫైర్ సిబ్బంది అక్కడకు చేరుకున్నారు. సహాయక చర్యలు చేపట్టారు. ఒక బృందం మంటలు ఆర్పడంలో నిమగ్నం కాగా, పై అంతస్తుల్లో చిక్కుకున్న ఉద్యోగులను మరో టీం రక్షించింది. నిచ్చెనల ద్వారా పైకి చేరుకున్న ఫైర్ సిబ్బంది వారిని సురక్షితంగా బయటకు తీసుకువచ్చారు.
మరోవైపు ఈ అగ్ని ప్రమాదంలో ఎవరికీ ఎలాంటి గాయాలు లేదా ప్రాణనష్టం జరుగలేదని ఫైర్ అధికారులు తెలిపారు. ఆదాయపు పన్ను కార్యాలయంలో అగ్నిప్రమాదానికి గల కచ్చితమైన కారణం ఇంకా తెలియలేదని చెప్పారు. దీనిపై దర్యాప్తు చేస్తున్నట్లు ఫైర్ అధికారులు వెల్లడించారు.
Mumbai, Maharashtra: A fire broke out at the Income Tax building in Churchgate. Four fire engines reached the spot, and firefighting operations are underway pic.twitter.com/aESlB9t6R9
— IANS (@ians_india) August 17, 2026
