దిగజారిన పారిశ్రామికం

దేశీయ పారిశ్రామికోత్పత్తి నానాటికీ దిగజారుతున్నది. ఈ ఏడాది సెప్టెంబర్‌ నెలలో పారిశ్రామికోత్పత్తి వృద్ధి రేటు అంతక్రితం ఆగస్టు నెలతో పోలిస్తే సగానికి తగ్గింది.

• సగానికి తగ్గిన ఐఐపీ వృద్ధిరేటు

న్యూఢిల్లీ, నవంబర్‌ 10: దేశీయ పారిశ్రామికోత్పత్తి నానాటికీ దిగజారుతున్నది. ఈ ఏడాది సెప్టెంబర్‌ నెలలో పారిశ్రామికోత్పత్తి వృద్ధి రేటు అంతక్రితం ఆగస్టు నెలతో పోలిస్తే సగానికి తగ్గింది. 2023 సెప్టెంబర్‌లో ఇది 5.8 శాతానికి క్షీణించినట్టు శుక్రవారం జాతీయ గణాంకాల శాఖ వెల్లడించింది.

ఆగస్టులో పారిశ్రామికోత్పత్తి సూచి (ఐఐపీ)లో 10.3 శాతం వృద్ధి నమోదైంది. ప్రస్తుత ఆర్థిక సంవత్సరం ఏప్రిల్‌-సెప్టెంబర్‌ ప్రథమార్థంలోనూ ఐఐపీ వృద్ధి నిరుడుతో పోలిస్తే 7.1 శాతం నుంచి 6 శాతానికి తగ్గింది. తయారీ రంగం ఐఐపీ వృద్ధిని పెద్ద దెబ్బ తీసింది.