Doctor Dragged: కారు బానెట్‌పై డాక్ట‌ర్‌ను 50 మీట‌ర్లు ఈడ్చుకెళ్లారు.. వీడియో

Doctor Dragged: కారు బానెట్‌పై ఓ డాక్ట‌ర్‌ను 50 మీట‌ర్ల దూరం ఈడ్చుకెళ్లారు దుండ‌గులు. ఈ ఘ‌ట‌న హ‌ర్యానాలోని పంచ‌కుల‌లో జ‌రిగింది. దానికి సంబంధించి వీడియో వైర‌ల్ అవుతోంది. పోలీసులు కేసు బుక్ చేసి విచార‌ణ చేప‌ట్టారు.

పంచ‌కుల‌: హ‌ర్యానాలోని పంచ‌కుల సిటీలో దారుణ ఘ‌ట‌న జ‌రిగింది. కారు బానెట్‌పై ఓ డాక్ట‌ర్‌(Doctor)ను 50 మీట‌ర్ల దూరం వ‌ర‌కు లాక్కెళ్లారు(Dragged). ఈ ఘ‌ట‌న శ‌నివారం జ‌రిగింది. దానికి చెందిన వీడియో ప్ర‌స్తుతం వైర‌ల్ అవుతోంది. వివ‌రాళ్లోకి వెళ్తే.. పంచుకుల‌లోని ఎండీసీలో డాక్ట‌ర్ గ‌గ‌న్ నివ‌సిస్తున్నారు. అయితే ట్యూష‌న్ నుంచి త‌న కొడుకును ఇంటికి తీసుకువెళ్తున్న స‌మ‌యంలో ఈ ఘ‌ట‌న జ‌రిగింది. సెక్టార్ 8లోని ట్రాఫిక్ జంక్ష‌న్ వ‌ద్ద డాక్ట‌ర్ గ‌గ‌న్ వాహ‌నాన్ని మ‌రో కారు ఓవ‌ర్ టేక్ చేసే ప్ర‌య‌త్నంలో ఢీకొట్టింది. ఆ స‌మ‌యంలో ఆ కారును ఆపాల‌ని డాక్ట‌ర్ గ‌గ‌న్ డిసైడ్ అయ్యారు. ప్ర‌త్య‌ర్థి కారు డ్రైవ‌ర్‌తో వాగ్వాదానికి వెళ్లాడు. కారు ముందు నిల‌బ‌డ్డ డాక్ట‌ర్‌పై వాహ‌నాన్ని తీసుకెళ్లారు. దీంతో డాక్ట‌ర్ బానెట్ ప‌ట్టుకున్నాడు. కారులో ఉన్న వ్య‌క్తులు ఆ డాక్ట‌ర్‌ను అలాగే తీసుకెళ్లారు. దాదాపు 50 మీట‌ర్ల దూరం ఈడ్చుకెళ్లారు. ఈ ఘ‌ట‌న‌కు చెందిన కేసును న‌మోదు చేసిన‌ట్లు పోలీసులు తెలిపారు. దుండ‌గులు అక్క‌డ నుంచి పారిపోయారు. సెక్టార్ 6 హాస్పిట‌ల్‌లో ఆ డాక్ట‌ర్‌కు చికిత్స చేశారు.

#Video: Doctor Dragged For 50 Meters On Car Bonnet In Panchkula

Road Rage Incident in Panchkula#PANCHKULA #ROADRAGE #DOCTORDRAGGED #LatestUpdates pic.twitter.com/JQgpinikw6

— mishikasingh (@mishika_singh) August 28, 2023