కార్యకర్తపై చేయి చేసుకున్న డీకే

ర్ణాటక డిప్యూటీ సీఎం, రాష్ట్ర పీసీసీ అధ్యక్షుడు డీకే శివకుమార్‌ సొంత పార్టీ కార్యకర్త ఒకరి చెంప చెళ్లుమనిపించారు. తన భుజంపై చేయి వేశాడన్న కోపంతో విసిగించుకొన్న డీకే.. పార్టీ మున్సిపల్‌ సభ్యుడిని కొట్టిన వీడియో సోషల్‌ మీడియాలో వైరల్‌గా మారింది.

• భుజంపై చెయ్యి వేశాడని చెంపచెళ్లు

హవేరీ, మే 5: కర్ణాటక డిప్యూటీ సీఎం, రాష్ట్ర పీసీసీ అధ్యక్షుడు డీకే శివకుమార్‌ సొంత పార్టీ కార్యకర్త ఒకరి చెంప చెళ్లుమనిపించారు. తన భుజంపై చేయి వేశాడన్న కోపంతో విసిగించుకొన్న డీకే.. పార్టీ మున్సిపల్‌ సభ్యుడిని కొట్టిన వీడియో సోషల్‌ మీడియాలో వైరల్‌గా మారింది. డీకే శివకుమార్‌ శనివారం హవేరీ జిల్లాలోని సవనూర్‌ పట్టణంలో లోక్‌సభ ఎన్నికల ప్రచారంలో పాల్గొన్నారు. ఈ సందర్భంగా ఆయన వచ్చిన సమయంలో కార్యకర్తలు కొంత మంది నినాదాలు ఇచ్చారు. ఈ క్రమంలో ఒకరు డీకే భుజంపై చేయి వేయగా.. కోపగించుకొన్న శివకుమార్‌ అతని చెంప చెళ్లుమనిపించాడు. బాధిత కార్యకర్త మున్సిపల్‌ సభ్యుడు అల్లావుద్దీన్‌ మనియార్‌ అని పార్టీ వర్గాలు పేర్కొన్నాయి. మరోవైపు, డీకేపై బీజేపీ తీవ్ర విమర్శలు గుప్పించింది. భుజంపై చేయి వేసిన పాపానికి కార్యకర్తపై డీకే చేయిచేసుకున్నారని, ఆయన ఇలా కార్యకర్తలపై దాడి చేయడం ఇదే తొలిసారి కాదని బీజేపీ ఐటీ సెల్‌ హెడ్‌ అమిత్‌ మాలవీయ పేర్కొన్నారు.